GODEPENDANCE

LIFE IS LIKE AN EVENING AT BEACH

2011-12-27T01:06:00.001+05:30

Yesterday evening (25th) we as family were at Mondaicaud Beach on Christmas. A thought came to me about life.

LIFE IS LIKE AN EVENING AT BEACH

We all won't like to spend a hot noon at seashore. Obviously we all wait till 3, 3.30 or 4 based on the climate/ season. Then we slowly near the beach. Immediately we won't go near tides. We observe for sometime and then go near to it and slowly we near without fear. By the time it becomes 6, 6.30. We all enjoy at peak. We even take snaps of 'setting sun' with red and soft rays even not realising that actually that is going to be the end. We all feel that we could have come earlier or plan to come on another day.

For a newborn child it takea some years to become a man. Like waiting for an appropriate hour to go to beach, he has to grow, get eduated, get exposed/ matured to start his own life. May be by 20 yrs or 30 based his eduaction or economical factors. Slowly he picks up his life like earning and other things slowly to get a stability or hold or popularity. By the time he reaches 50 or 60 , when he looks back, he feels proud of his life, about his achievements, family, children, their career, his earnings, investments and wealth and so on. He enjoys life rarely thinking about his end is nearing. Then by a sudden heartattack (physical illlness) or a chronic mindattack (phycological illness - anxiety & depression), he rapidly loose hpe in life. He feels much about 'life' mainly regretting for the things not done and sometimes for the things done which should not have been done. But it is too late that there IS an end.

What Bible says:
1) ....as a flower of the field he will pass away (James 1:10)

2) All people are like grass, and all their glory is like the flowers of the field; the grass withers and the flowers fall. (1 Peter 1:24)

3) Man who is born of woman is of few days and full of trouble (Job 14:1)

4) Our days may come to seventy years, or eighty, if our strength endures;
yet the best of them are but trouble and sorrow, for they quickly pass, and we fly away. (Psalms 90:10).

This is what I like end my thought:
Rejoice, O young man, in your youth,
And let your heart cheer you in the days of your youth;
Walk in the ways of your heart,
And in the sight of your eyes;
But know that for all these
God will bring you into judgment. (Eccl. 11:9)

Let us hear the conclusion of the whole matter:
Fear God and keep His commandments,
For this is man’s all.
For God will bring every work into judgment,
Including every secret thing,
Whether good or evil (Eccl. 12:13,14).

நில்லாதே... கவனியாதே... செல்லாதே...!

2011-01-03T23:24:00.002+05:30

நில்... கவனி... செல்...! என்பது நம்மெல்லோருக்கும் பழக்கமானதொரு சொல். ஒருவர் ஒன்றை செய்யச் சொன்னால், சொல்வதற்கு நேரெதிராகச் செய்வது மனித இயல்பு.

வேதாகமத்தில் சொல்லப்பட்டுள்ள கட்டளைகளை, நில்லாதே... கவனியாதே... செல்லாதே...! என்ற கோணத்தில் பார்ப்பது பிரயோஜனமாக இருக்கலாம் என நம்புகிறேன். இதோ அவைகளின் தொகுப்பு:

நில்லாதே...!

1) உன் ஜீவன் தப்ப ஓடிப்போ, பின்னிட்டுப் பாராதே; இந்தச் சமபூமியில் எங்கும் நில்லாதே. (ஆதியாகமம் 19:17 )

2) பாவிகளுடைய வழியில் நில்லாதே. (சங்கீதம் 1:1 )

3) பெரியோர்களுடைய ஸ்தானத்தில் நில்லாதே. (நீதிமொழிகள் 25:6 )

4) பொல்லாதகாரியத்திலே பிடிவாதமாய் நில்லாதே. (பிரசங்கி 8:3 )

கவனியாதே...!

1) சொல்லப்படும் எல்லா வார்த்தைகளையும் கவனியாதே. (பிரசங்கி 7:21)

2) தர்க்கங்களுக்கு ஏதுவாயிருக்கிற கட்டுக்கதைகளையும் முடிவில்லாத வம்சவரலாறுகளையும் கவனியாதபடிக்கும் (I தீமோத்தேயு 1:3 )

செல்லாதே...!

1) நீ எகிப்துக்குப் போகாமல், நான் உனக்குச் சொல்லும் தேசத்திலே குடியிரு. (ஆதியாகமம் 26:2 )
2) வழிக்குப் பையையாகிலும், அப்பத்தையாகிலும், கச்சையில் காசையாகிலும் எடுத்துக்கொண்டுபோகாமல் (மாற்கு 6:8 )

3) ... வீட்டுக்கு வீடு போகாதிருங்கள். (லூக்கா 10:7 )

பு(ப)த்தாண்டு வாக்குத்தத்தம்

2011-01-01T11:31:00.000+05:30

மூன்றாம் மில்லேனியத்தின் முதல் பத்தாண்டுகளை முடித்து 2011 என்றதொரு புத்தாண்டுடன் இரண்டாம் பத்தாண்டுகளுக்குள் நுழைகிறோம். புத்தாண்டு தினங்கள்தோறும் எப்படியாகிலும் தப்பாமல் அநேக வாக்குத்தத்த வசனங்கள் நம்மை வந்தடைகின்றன. நாம் அவை அவ்வண்ணமே பலித்திட வேண்டுமென விரும்பி ஜெபித்து வருவதுமுண்டு. ஆனால் அவை அப்படியே அனுபவமாகியதாக ஆண்டு இறுதியில் சாட்சி பகருவோர் வெகுசிலரே. காரணம் பலவிதம். அவற்றுள் பின்னணியிலுள்ள நிபந்தனைகளை கண்டுகொள்லாமல் விட்டுவிடுவது முக்கியமானதொரு காரணம்.

ஆசீர்வாதங்களை அருளும் ஆண்டவர் எப்பொழுதுமே பின்னணியில் மறைமுகமாக சில நிபந்தனைகளை வைத்திருக்கிறார் என அவரைக் குறித்து நாம் குறைவாக நினைத்துவிட வேண்டியதில்லை. ஏனெனில் வாக்குத்தத்தங்களின் பின்னணியில் கட்டளைகளை வைத்திருக்கும் தேவன் தாமே மோசே மூலம் கொடுத்த பத்துக் கட்டளைகளினூடே வெளிப்படையாக வாக்குத்தத்தங்களையும் வழங்கிட தவறவில்லை (யாத். 20:6,12 ; எபே. 6:3).

இன்று உங்களை நோக்கி வரும் வாக்குத்தத்த வசனமாகிய ஏசாயா 33: 15-16 ன் பின்னணியிலுள்ள நிபந்தனைகளையும் சற்றே நோக்குவோமா? ”V15 நீதியாய் நடந்து, செம்மையானவைகளைப் பேசி, இடுக்கண் செய்வதால் வரும் ஆதாயத்தை வெறுத்து, பரிதானங்களை வாங்காதபடிக்குத் தன் கைகளை உதறி, இரத்தஞ்சிந்துவதற்கான யோசனைகளைக் கேளாதபடிக்குத் தன் செவியை அடைத்து, பொல்லாப்பைக் காணாதபடிக்குத் தன் கண்களை மூடுகிறவனெவனோ, V16 அவன் உயர்ந்த இடங்களில் வாசம்பண்ணுவான்; கன்மலைகளின் அரண்கள் அவனுடைய உயர்ந்த அடைக்கலமாகும்; அவன் அப்பம் அவனுக்குக் கொடுக்கப்படும்; அவன் தண்ணீர் அவனுக்கு நிச்சயமாய்க் கிடைக்கும்.”

நீதியாய் நடந்து – கால்

செம்மையானவைகளைப் பேசி – வாய் / நாவு

இடுக்கண் செய்வதால் வரும் ஆதாயத்தை வெறுத்து – மனம் / மனபான்மை

பரிதானங்களை வாங்காதபடிக்குத் தன் கைகளை உதறி – கை

இரத்தஞ்சிந்துவதற்கான யோசனைகளைக் கேளாதபடிக்கு…செவியை அடைத்து – காது / செவி

பொல்லாப்பைக் காணாதபடிக்குத் தன் கண்களை மூடுகிறவனெவனோ – கண்

உயர்ந்த இடங்களில் வாசம்...உயர்ந்த அடைக்கலமாகும் – பாதுகாப்பு

அப்பம் .... தண்ணீர் அவனுக்கு நிச்சயமாய்க் கிடைக்கும் – அவசியத் தேவைகள்.

நம் வாழ்வின் அன்றாட அவசியத் தேவைகள் குறைவின்றி நிச்சயமாய் சந்திக்கப்பட நம் உடலின் அவயவங்களை அன்றாடமும் ஆண்டவர் பாதத்தில் அர்ப்பணித்து அவர் விரும்பும் விதம் வாழ ஆயத்தமா?

அப்படியெனில், இந்த வாக்குத்தத்தம் இந்த புத்தாண்டுக்கோ அல்லது வரும் பத்தாண்டுக்கோ மட்டுமல்லாமல், இப்பூவுலகில் நாம் வாழும் நாட்கள் மட்டும் நமக்கு உரித்தாகும்!

அறிந்து கொள்வோம் அரவாணிகளை

2010-08-29T01:27:00.000+05:30

அரவாணிகள் அல்லது திருநங்கைகள் என கண்ணியமான வார்த்தைகளாலும் இன்னும் பிற கண்ணியமற்ற சில வார்த்தைகளாலும் அழைக்கப்படும் மூன்றாம் பாலினத்தவர் பற்றி நம்மில் பலருக்கு சரியான முழுவிபரங்கள் தெரிந்திருக்க வாய்ப்பில்லை. காரணம் அவர்களைக் குறித்து நேர்மையான நோக்குடன் அணுகாமல் அவர்களை பிச்சை மற்றும் பாலியல் தொழிலாளர்களாக ஊடகங்கள் சித்தரித்து வரும் நிலை தான். முழுமையாக ஆண் எண்றோ அல்லது பெண் என்றோ இல்லாமல் இருவரது பண்புகளையும் உள்ளடக்கிய இடைநிலை பாலினமான (Intersex) இவர்கள் மூன்றம் பாலினத்தவராக (Third Gender) தற்போது தான் பல நாடுகளிலும் பரவலாக ஏற்றுக் கொள்ளப்பட்டு வருகிறார்கள்.

ஆணும் பெண்ணுமாக

ஆதியிலே மனுஷரைச் சிருஷ்டித்த தேவன் அவர்களை ஆணும் பெண்ணுமாக உண்டாக்கினார் (மாற்கு 10:6). அப்படியென்றால், இவர்கள் எப்படி வந்தார்கள் எப்போது வந்தார்கள், இவர்களைக் குறித்த தேவனின் திட்டம் என்ன, இவர்களை நாம் அணுக வேண்டிய விதம் என்ன என்பதை குறித்து அறிந்து கொள்ள வேண்டியது அவசியம்.

மனித உடலில் 46 குரோமோசோம்கள் உண்டு என்பது நாம் பள்ளிப் பருவத்திலேயே அறிந்து கொண்டது தான். அதைப்பற்றி இன்னும் கொஞ்சம் தெரிந்து கொண்டால் தான் அரவாணிகளைப் பற்றி புரிந்து கொள்ள முடியும். மனிதனின் பல்வேறு குணாதிசயங்களுக்கும் காரணமான வெவ்வேறு மரபணுக்களை (Genes) கற்றையாக ஒருங்கே கொண்டிருப்பது தான் குரோமோசோம். இந்த 46 குரோமோசோம்களும் இரண்டிரண்டாக மொத்தம் 23 ஜோடிகளாக காணப்படும். இவற்றில் 22 ஜோடிகள் உடலின் பால் சம்பந்தப்பாடாத உடலின் மற்ற அனைத்துப் பண்புகளையும் கட்டுப்படுத்துபவை. கடைசி ஜோடி குரோமோசோம்கள் பாலினம் (Sex) சம்பந்தப்பட்டவை. அது XX என்று ஆண்களிலும் XY என்று பெண்களிலும் கானப்படும். இனப்பெருக்கத்தின் போது ஆண்களில் அது X மற்றும் Y ஆகவும். பெண்களில் இரண்டு X களாகவும் அளவில் மட்டுமல்ல பண்புகளிலும் சரிபாதியாக பிரிந்து கரு உருவாக உதவும். உருவாகும் கருவில் ஆணின் X ம் பெண்ணின் X ம் இணைந்து XX குரோமோசோம் உருவானால் அது பெண்ணாக வளரும். ஆணின் Y ம் பெண்ணின் X ம் இணைந்து XY குரோமோசாமாக உருவானால் ஆணாகவும் வளரும். இன்னும் வேறுவிதமாக கூறினால் உருவாகும் கருவில் Y குரோமாசோம் இருந்தால் அது ஆணாகவும் Y இல்லையென்றால் அது பெண்ணாகவும் வளர்ச்சியடைகிறது எனலாம்.

மிகச்சில வேளைகளில் (ஆயிரத்தில் ஒன்றிரண்டு) இது இவ்விதம் முறைப்படி இரண்டாக பிரிந்து இணைவதில்லை. எடுத்துக்காட்டாக உருவாகும் கருவில் அல்லது என்ற ஒற்றைக்குரோமோசோம் மட்டுமே காணப்படலாம்; இவர்கள் 45Y ஆகவோ (ஆண்பண்புகள் குறைவான ஆண்கள்) அல்லது 45X (பெண்பண்புகள் குறைந்த பெண்களாகள்) ஆகவோ இருப்பர். இதுபோன்று உருவாகும் கருவில் இரண்டிற்கும் மேற்பட்ட குரோமோசோம்களும் காணப்படலாம். இவர்கள் பெண்பண்புகள் அதிகம் கொண்ட பெண்கள் (47XXX) ஆண்பண்புகள் அதிகம் கொண்ட ஆண்கள் (47XYY) ஆண்பண்புகள் கொண்ட பெண்கள் அல்லது பெண்பண்புகள் கொண்ட ஆண்கள் (47XXY) என வித்தியாசமானவர்களாக இருப்பர்.

இவ்விதம் குரோமோசோமின் எண்ணிக்கை கூடுதல் குறைவைப் பொறுத்தும் இவற்றில் Y குரோமோசோம் இருப்பதையும் இல்லாததையும் பொறுத்தும் அந்த கருவானது வளர்ச்சியடையும் போது அதில் உட்புறமான மற்றும் வெளிப்புறமான இன உறுப்புக்கள் உருவாகுவது கட்டுப்படுத்துகிறது. மட்டுமல்ல, இப்படியான இன உறுப்புக்களின் வளர்ச்சியின் அளவை பொறுத்து அவர் பின் நாட்களில் பருவ மாற்றங்கள் உடலில் தென்பட ஆரம்பித்து முழுமையான ஒரு ஆணாகவோ அல்லது பெண்ணாகவோ அல்லது இடைநிலையாகவோ அடையாளம் காணப்படுகிறார்.

ஆணா? அல்லது பெண்ணா?

ஒருவரை ஆண் என்றோ அல்லது பெண் என்றோ வெளித்தோற்றத்தை வைத்து, எளிதாக அடையாளம் கண்டு விடுகிறோம். ஆனால் அது எப்போதும் சாத்தியமில்லாத சூழ்நிலையில், ஆணுக்கும் பெண்ணிற்கும் உள்ள பல்வேறு பால் வேறுபாடுகள் பற்றி தெரிந்திருக்க வேண்டும். ஆணுக்கும் பெண்ணிற்கும் உள்ள வேறுபாடுகள் அடிப்படையில் பால் வேறுபாடுகள் என்பதை கீழ்கண்டவாறு 4 முக்கிய வகையாக பிரிக்கலாம்:

1. மரபணு பால் (Genetic Sex) : இதன் படி ஒருவரின் உடலில் 23ம் ஜோடி குரோமோசோமில் Y காணப்பட்டால் அவரை ஆண்(XY) அது காணப்படாவில்லையெனில் பெண்(XX) எனவும் கூறுகிறோம்.

2. இன உறுப்புகள் பால் (Gonadal Sex) : உருவாகும் கருவில் Y குரோமோசோம் இருப்பதையும் இல்லாததையும் பொறுத்து உள்ளான மற்றும் வெளிப்புறமான இனஉறுப்புக்கள் ஆணாகவோ அல்லது பெண்ணாகவோ வளர ஆரம்பிக்கும். எனவே இந்த இன உறுப்புகள் பால் உருவாக அடிப்படையாது மரபணு பால் எனலாம்.

3. புறத்தோற்ற பால் (Phenotype Sex) - இதில் இனஉறுப்புக்கள் வளர்வது மாத்திரம்மல்ல, அதற்கேற்ப அவைகளில் நாளமில்லாச் சுரப்பிகள் சுரக்கும் ஹார்மோன்கள் (ஆண்ட்ரோஜன், ஈஸ்ரொஜன்) அதனால் ஏற்படும் உடல்வாகு / பிற உடல் மாற்றங்கள் (Secondary Sexual Characters) ஆகியவை அடங்கும். இன உறுப்புகளில் ஆண்ட்ரோஜென் சுரந்தால் ஆணாகவும் ஈஸ்ட்ரோஜன் சுரந்தால் பெண்ணாகவும் வளர்ச்சியடைகின்றனர்.

4. உளவியல் பால் (Psychological Sex) – மேற்கண்ட பண்புகளுடன் ஒருவரது வளர்ப்புமுறை சமுதாய சூச் நிலையை பொறுத்து ஒருவர் மனதளவிலும் முழுமையான ஆணாகவோ அல்லது பெண்ணாகவோ முதிர்ச்சிய்டைகிறார்.
இவ்விதம் ஒருவர் நான்கு நிலைகளிலும் ஒரேவகையினராக பொருந்தினால் மட்டுமே அவர் ஒரு முழுமையான ஆண் அல்லது பெண் எனலாம். ஒர் முழுமையான ஆணாகவோ அல்லது பெண்ணாகவோ இல்லாமல், இடை நிலையுடன் இருப்பது கரு உருவாகும் போது அவற்றிலுள்ள மரபணுக்கள் மற்றும் அவற்றைத் தாங்கியுள்ள குரோமோசோம்களின் அமைப்பையும் அளவையும் பொறுத்தது. இந்த மரபணுக்களில் நடைபெறும் மாற்றங்கள் (mutations) தன்னிச்சையாக தலைமுறைதோறும் தொடர்கின்றன. இதனை மரபணு ஆலோசனை மூலம் ஓரளவு தவிர்க்கலாமே தவிர முற்றிலும் சரிப்படுத்துவது நம் கையில் இல்லை.

அண்ணகர்கள் (அரவாணிகள்) மூன்றுவிதம்

விவாகரத்து குறித்து கேள்வி கேட்ட பரிசேயர்களைப் பார்த்து இயேசு: ”தாயின் வயிற்றிலிருந்து அண்ணகர்களாய்ப் பிறந்தவர்களும் உண்டு; மனுஷர்களால் அண்ணகர்களாக்கப் பட்டவர்களும் உண்டு; பரலோகராஜ்யத்தினிமித்தம் தங்களை அண்ணகர்களாக்கிக் கொண்டவர்களும் உண்டு. இதை ஏற்றுக்கொள்ள வல்லவன் ஏற்றுக்கொள்ளக் கடவன்” என்றார் (மத் 19:12).

தாயின் வயிற்றில் அண்ணகர்களாய் பிறந்தவர்களை மரபணு பால் மற்றும் இனப்பெருக்க உறுப்புகள் பால் வகையில் இவ்விதம் வகைப்படுத்துகிறோம். இவர்களுக்கே இன்று சரியான அங்கிகாரமும் தேவைகளும் இல்லாத நிலையில் மனுஷர்களால் அண்ணகர்களாக்கப்படுகிறவர்கள் இன்றைய நாட்களில் இல்லை எனலாம். இவர்கள் இனப்பெருக்க உறுப்புகளை அறுவைசிகிச்சை செய்து கொள்வதன் மூலம் புறத்தோற்ற பால் மற்றும் உளவியல் பாலில் மாற்றம் காண முற்படுபவர்கள். இன்றைய காலகட்டத்தில் அண்ணகர்களுக்கு இத்தகைய அறுவைசிகிச்சை மூலம் தங்களின் முதன்மை பாலினத்தோடு ஒத்துப்போகும் புறத்தோற்ற/உளவியல் பாலின நிலையை அடையவே இவை அதிகம் பயன்படுத்தப் படுகின்றன. பரலோக இராஜ்யத்தினிமித்தம் தங்களை அண்ணகர்களாக்கிக் கொள்பவர்களை உளவியல் பால் வகை எனலாம். இவர்கள் ஒரு முழுமையான ஆணாகவோ அல்லது பெண்ணாகவோ இருப்பவர்கள். இவர்களுக்கு உடலளவில் எவ்வித மாற்றமும் ஏற்படப் போவதில்லை; ஆனால் மனதளவில் இவர்கள் தங்களை ஒரு ஆண் அல்லது பெண்ணின் இனப்பெருக்க கடமையை செய்வதில் நாட்டமில்லாதவர்கள். இவர்களைக் குறித்து 1 கொரி 7: 25-40 ல் விபரமாக கூறப்பட்டுள்ளது. இவைகளை உற்று நோக்கும் போது அண்ணகர்கள் எந்த விதத்திலும் தாழ்ந்தவர்கள் அல்ல என்பது தெளிவாகிறது.

வேதாகமத்தில் இவர்கள்

வேதாகமத்தில் இவர்கள் பிரதானிகள் (2 இரா 9:32, எரே 38:7, ஆதி 37:36, எஸ்தர் 1:11) விதயடிக்கப்பட்டவர்கள் (உபா 28:1), அண்ணகர்கள் (மத் 19:12). என பல்வேறு பெயர்களில் குறிப்பிடப்படுகிறார்கள். ராஜாவின் அரணமனைகளில் பிரதானிகள், பானபாத்திரக்காரரின் தலைவன், சுயம்பாகிகளின் தலைவன் (ஆதி 40:2), தலையாரிகளுக்கு அதிபதி (ஆதி 37:36) ராஜஸ்திரீக்கு மந்திரி (அப் 8:27) என்ற முக்கிய பொறுப்புகளில் இவர்கள் இருந்து வந்துள்ளனர். இதன் மூலம் அக்காலங்களில் இவர்களுக்கென்றும் ஒரு சிறப்பான அந்தஸ்து இருந்திருக்கிறது என்பது தெளிவாகிறது. இப்படிப்பட்ட அன்ணகர்களுக்கும் அவர்கள் வகித்த பொறுப்புகளுக்கும் ஒரே வார்த்தை வார்த்தை பயன்படுத்தப்படுவதால் வேதாகமத்தில் இவர்களைக் குறித்து கிட்டதட்ட 50 முறை சொல்லப்பட்டிருந்தாலும் 28 இடங்களில் மட்டுமே தான் உண்மையான விதயடிக்கப்பட்டவர்கள், அண்ணகர்களைக் குறிப்பதாக எடுத்துக் கொள்ளவும் வாய்ப்புண்டு.

ஆரம்பத்தில் ஆலய ஆராதனைகளில் சேர்த்துக் கொள்ளப்படாத இவர்கள் (உபா 23:1) பின்னர் சிறப்பாக அங்கீகரிக்கப்படுவதாக ஏசாயாவால் வாக்கு அருளப்பட்டது. என் ஓய்வுநாட்களை ஆசரித்து, எனக்கு இஷ்டமானவைகைளைத் தெரிந்துகொண்டு உடன்படிக்கையைப் பறறிக்கொள்ளுகிற அண்ணகர்களைக் குறித்துக் கர்த்தர் சொல்லுகிறது என்னவென்றால், நான் அவர்களுக்கு என் ஆலயத்திலும், என் மதில்களுக்குள்ளும் குமாரருக்கும் குமாரத்திகளுக்குமுரிய இடத்தையும் கீர்த்தியையும்பார்க்கிலும், உத்தம இடத்தையும் கீர்த்தியையும் கொடுப்பேன், என்றும் அழியாத நித்திய நாமத்தை அவர்களுக்கு அருளுவேன். (ஏசாயா 56:4,5).

தேவனைத் தொழுது கொள்ளும் இஸ்ரவேலர் தூய்மையானவர்களாக இருக்கவேண்டும் என்ற கருத்தை வலியுறுத்தவே அன்று அங்கவீனன் அங்கீகரிக்கப்படவில்லை எனலாம். மாத்திரமல்ல இவ்விதம் விதையடிக்கப்படுதல் அந்நிய தேவர்களுக்காக செய்யப்படுதவதாக இருந்ததாலும் பழுதுள்ள எதுவும் பலி செலுத்தப்படலாகாது என நியாயப் பிரமாண சட்டம் இருந்ததாலும் இவர்கள் அவ்விதம் ஆலயங்களில் ஒதுக்கப்பட்டிருந்தனர். புதிய ஏற்பாட்டு காலத்தில் எத்தியோப்பிய ராஜாஸ்திரியின் நிதிப்பொறுப்பிலிருந்த அண்ணகன் பிலிப்பு மூலம் இரட்சிக்கப்பட்டு ஞானஸ்நானம் பெற்றான் (அப். 8:37,38). இது கிறிஸ்தவத்தில் அண்ணகர்கள் ஏற்றுக் கொள்ளப்பட்டதையும் ஏற்றுக் கொள்ளப்பட வேண்டும் என்பதையுமே காட்டுகிறது.

இந்தியாவில் இவர்களின் நிலை:

காலாகாலமாக ஒவ்வோரு நாட்டிலும் இவர்கள் வெவ்வேறு குறிப்பிட்ட வேலைகளுக்காக பயன்படுத்தப்பட்டனர். அதனைப் பொறுத்து ஒவ்வொரு நாட்டிலும் அவர்களது சமூக அந்தஸ்தில் மாற்றங்கள் உண்டு. இந்தியா போன்ற நாடுகளில் ஏற்கனவே மக்கள் தொகை மலிந்துவிட்ட நிலையில் இடப்பட்ட இவர்களின் நிலைமை திண்டாட்டம் தான். கேலி, கிண்டல், பரியாசம், குடும்பத்தினரால் வெறுக்கப்படுதல், மற்றும் சமுதாயத்தில் சரியாக ஏற்றுக் கொள்ளப்படாதிருக்கும் போது இவர்களில் பலர் பாலியல் மற்றும் பிச்சை தொழிலுக்கு வந்து சேருகின்றனர். இவர்களைக் குறித்த சரியான விழிப்புணர்வும் புரிந்து கொளதலும் அக்கறையும் சமுதாயத்தில் இல்லாமையால் இவர்களின் சமூக நிலைமை இன்னமும் மோசமாகி இவர்களைக் குறித்த தவறான கண்ணோட்ட்த்துக்கு விட்டுச் செல்கிறது. எனவே இவர்களைக் குறித்த தெளிவான பார்வை நமக்குத் தேவை.

திருநங்கையர் என மரியாதைக்குரியவர்களாக அழைக்கப்படுவது போன்று தோன்றினாலும், அவர்கள் எல்லோரிடமும் குறைந்தபட்சம் ஒரு X குரோமோசோம் உள்ளது என்பதற்காக இவர்களை முற்றிலும் நங்கையர் பிரிவில் சேர்த்துவிட்டது நியாயமாக இருக்க முடியாது. இவர்களில் பெரும்பான்மையினோருக்கு Y குரோமோசோமும் உண்டு என்பதைக் கருத்தில் கொண்டு இவர்களை உளவியல் மற்றும் புறத்தோற்ற பால் வகையில் ஆணாக இருந்திட ஏன் சமுதாயம் அனுமதிக்கக் கூடாது? இன்றும் இந்தியாவில் பெண்களின் நிலையே பரிதாபமாக காணப்படும் போது இவர்கள் நிலை இன்னும் பரிதாபம் தான்.

சமீப காலங்களில் இவர்களைப் பற்றிய சமூகப் பார்வையில் மாற்றங்கள் வந்து கொண்டிருப்பது வரவேற்கத்தக்கது. 2005 முதல் பாள்போர்ட் விண்ணப்பங்களில் இவர்களுக்கென மூன்றாம் பாலினத்தை குறிப்பிட அனுமதி கொடுக்கப்பட்டுள்ளது. 2009 முதல் வாக்காளர் பட்டியலிலும் இவர்கள் தனிபாலின வகையினராக அங்கிகரிக்கப்பட்டு அடையாள அட்டைகளும் கொடுக்க ஆரம்பித்துள்ளனர். தமிழ்நாட்டில் இவர்களின் நலனுக்கென தனி வாரியமே அமைக்கப்பட்டுள்ளது நல்ல விஷயம். அரசியல் மற்றும் அதிகார மட்டத்தில் மட்டும் இந்த மாற்றங்கள் போதாது. ஒவ்வொருவரும் இதுபோன்ற ஆயிரத்தில் ஓரிருவரை அடையாளம் காணும்போது பரிவுடனும் நேர்மையுடனும் நடந்து கொள்ள வேண்டும். தங்களாலியன்ற தனிப்பட்ட மற்றும் சமுதாய உதவிகளை நல்கிட முன்வர வேண்டும். இத்தகைய மாற்றுப் பார்வையில் தங்கள் கடமையினை ஆற்றிட முதலில் கிறிஸ்தவர்கள் முன்வரவேண்டும்.

”ஏழையைப் பரியாசம் பண்ணுகிறவன் அவனை உண்டாக்கினவரை நிந்திக்கிறான்”(நீதி 17:5).

இது உன்னத சிறகுகள் ஜனவரி-மார்ச் 2010 இதழில் வெளிவந்த எனது கட்டுரை.

கருத்துக்கள் வரவேற்கப்படுகின்றன.

இணையம்: ஆக்கமா? அழிவா?

2010-07-07T17:44:00.000+05:30

நாம் வாழும் இன்றைய பின்நவீன காலக்கட்டத்தில் (Post–modern Era), இணையமும் இளைஞரும் இணைபிரியாத வார்த்தைகளாகி விட்டன. இணையம் என்றாலே இளைஞருக்கு இடறல் என பெரியவர்களும் இணையம்தான் எல்லாமே என இளைஞரும் இருவேறுதுருவ கருத்துடையவர்களாக இருக்கின்றனர். இன்று இணையம் இளைஞருக்கு மட்டுமல்ல, அனைவருக்குமே அவசியமான ஒன்றாகி விட்ட்து. இன்னும் சொல்லப்போனால், இன்றைய பின்நவீன காலக்கட்டத்தின் ஆரம்பமே இணையத்தின் கண்டுபிடிப்பில் தான் எனலாம்.

இத்தகைய முக்கியத்துவம் வாய்ந்த இணையம் இளைஞரின் வாழ்க்கையில் ஏற்படுத்தும் தாக்கங்கள் பல. அவற்றில் சில ஆக்கப்பூர்வமானவையாகவும் சில அழிவுப்பாதையில் நடத்திச் செல்பவையாகவும் உள்ளன. இன்று மாணவர்களுக்கு, குறிப்பாக முதுநிலை மற்றும் ஆராய்ச்சி மாணவர்களின் கல்விக்கு இணையம் ஒரு இன்றியமையாத கருவியாகிவிட்டது. யார் வேண்டுமானாலும் எப்போது வேண்டுமானாலும் தேவைப்படும் விபரங்களை உடனுக்குடன் தெரிந்துகொள்ளும் வாய்ப்பு இணையத்தின் இணையில்லாத சிறப்பு.

சமீபத்தில் “இணையத்தில் நேரத்தை தொலைக்கும் இளைஞர்கள்” என்ற தலைப்பில் ஒரு கட்டுரை (தினமணி, மே 12) வெளிவந்தது. அது இன்றைய இளைஞர்கள் தங்களையும் அறியாமல் எப்படியெல்லாம் இணையத்தில் நேரத்தை வீணடிக்கிறார்கள் என விரிவாக அலசியது. இணையம் என்பது ஒரு தொடர்பு ஊடகம். அது தன்னகத்தே ’நல்ல’ அல்லது ’கெட்ட’ என எந்தவொரு பண்பினையும் கொண்டிருக்கவில்லை; நடுநிலையானது. அதன் பயன்பாடு பயன்படுத்துவோரின் கையில் தான் உள்ளது. எண்ணற்ற பயன்கள் இணையத்தில் ஒழிந்துள்ளன. ’எதைத்தேடி? எவ்வளவு நேரம்?’ என எந்தவொரு நோக்கமும் தெளிவும் இல்லாமல் இணையத்தில் இறங்குபவர்களுக்கு இங்கு இடறல்களே அதிகம். மட்டுமல்ல, அத்தகைய காரியங்களில் இணையம் அவர்களை படிப்படியாக அடிமைப்படுத்தி விடுகிறது.

நல்ல காரியங்களைத் தெரிந்து கொள்ளவே இணையத்தில் இறங்குவதாயினும் அதில் ஒரு கட்டுப்பாடு தேவை. எதிர்ப்பார்த்த காரியம் முடிந்தவுடன் வெளியேறிவிடுவது நல்லது. இல்லையெனில் கண்ணையும் மனதையும் கவரும் ’கவர்ச்சி’ விளம்பரங்கள் அவ்வப்போது அழையா விருந்தாளிகளாக வந்துசேரும். ஒரு கிளிக் செய்தாலே அது நம்மை இணையத்தின் மறுமுனைக்கு கொண்டு சென்றுவிடும். எனவே இதனைத் தவிர்க்க தனிமையில் இணைய மையங்களுக்குச் செல்வதை தவிர்க்கலாம்; இணையவசதி வீட்டிலேயே இருக்குமானால் தனிஅறையில் இல்லாமல் விட்டிலுள்ள மற்றவர்களின் பார்வையில் இணையத்தை பயன்படுத்துவது தான் பாதுகாப்பானது.

இணையத்தில் சமீபத்திய முன்னேற்றமாகிய ஆர்குட், ஃபேஸ்புக் போன்ற ’சமூகப் பரிமாற்ற ஊடகம்’ (Social Interactive Media) குறித்து தெளிவுடன் இருப்பது நல்லது. இவற்றில் உரையாடுதல், உடனுக்குடன் செய்தியனுப்புதல், ஆன்லைன் விளையாட்டுக்கள் போன்றவை நன்மையானவையாகவே இருப்பினும் நாளடைவில் தவறான உறவுகளையும் அடிமைத்தனத்தையும் கொண்டு வந்துவிடும். அதற்கு காரணம் இவற்றில் ஈடுபடும் பெரும்பான்மையினோரின் நடவடிக்கைகள் தாம்.

இத்தைய சூழ்நிலையில் இவற்றிலிருந்து அறவே வெளியேறுவதைத் தவிர்த்து, விசுவாச மாணவர்களும் பட்ட்தாரிகளும் இவற்றை நன்மையான காரிய்ங்களுக்காக (Context) அதிக அளவில் (Content) சரியான விதத்தில் பயன்படுத்துவதன் மூலம் ஒரு சிறிய அளவிலாவது சமூக மாற்றத்தை ஏற்படுத்தி, இவ்விதம் இணையத்தின் மூலம் நற்செய்தியைப் பரப்பிட முயற்சி செய்யலாமே?

This is a my Forum article published in THARISANA SUDAR – JULY 2010

வேதாகம IPL

2010-05-19T22:08:00.002+05:30

IPL என்றவுடனே சமீபத்திய கிரிக்கெட் சாதனைகலும் வேதனைகளும் நினைவுக்கு வருகிறது அல்லவா?

இந்த நிலையில், அது சம்பந்தப்பட்ட வேதாகம நிகழ்வுகளை நினைவு படுத்தியும் அதன் மூலம் உணர வேண்டிய உண்மைகளை உணர்த்தியும் வெளிவந்த ஒரு “சிரிக்க சிந்திக்க” தொகுப்பு இதோ:

இது வெறும் சிரிக்க மட்டுமல்ல; சிதிக்கவும் செயல்படவும் தான்.

இதுபோன்ற நிகழ்கால நிகழ்வுகளை மையமாகக் கொண்டு வெளிவரும் சிந்தனைகளை உள்ளடக்கிய ”பிதாவின் சித்தம்” என்ற பத்திரிக்கையை பெற விருப்பமா?

ஆண்டு சந்தா ரூ. 70 மட்டுமே. தொடர்பு கொள்ள வேண்டிய முகவரி:

சகோ. A. தாமஸ் ரிச்சர்டு,
பிதாவின் சித்தம் ஊழியங்கள்,

172, அண்ணா நகர், விராலிமலை ரோடு,

மணப்பாறை -தாலுகா, திருச்சி மாவட்டம்.

PIN: 621 306

Phone:

.

பிறந்தநாள் கொண்டாடலாமா?

2010-04-30T01:46:00.000+05:30

என்ன இது, கேள்வியே விகற்பமாக இருக்கிறதல்லவா?

பதில் ஓரிரு நாட்களில்....

சிலுவை மரம்

2010-03-31T20:12:00.000+05:30

சிலுவை மரம்

அன்பின்
ஆண்டவர்
இயேசுவின்
ஈகைச் சின்னம்.

உனக்காக
ஊன் வருத்தி
என்றும்
ஏங்கி நிற்கும்
ஐயனைக் கொள்வாயே
ஒரு நாளும்
ஓயாத
ஔஷதமாய்!

.

லெந்து கால உபவாசம்

2010-03-31T20:08:00.000+05:30

லெந்து கால உபவாசம் - ஐயோ
மறந்தே போனேன் அந்த சகவாசம்
உறுத்தியது என் அடிமனசு - நிலை
நிறுத்தியது எனது பாரம்பரியம் !

எதுதான் எனது பாரம்பரியம்?
பாரம்பரியத்தைச் சாடும் பாரம்பரியம்
பாரம்பரியத்திற்கு எதிரான பாரம்பரியம்
அதுவா எனது பிரியம் ?

பாரம்பரியத்திலும் ஒன்றுமில்லை
பாரம்பரியமின்மையிலும் ஒன்றுமில்லை
எனக்கினி அவற்றில் எதுவுமில்லை
இரண்டுமே எனக்கு சரிசமமே.

இருவகை பாரம்பரியத்துக்கும்
ஒருவாறாக முழுக்கு போட்டது
இந்த லெந்து நாட்களில்
நான் அனுபவிக்கும் உபவாசம் ?!

உணவு உடையுடன் உறையுமிடம் - பிறர்க்கு
தினமும் கிடைத்திட ஆதாரமாய்
நினையே வெளிப்படை ஆக்குவதே
இறையே விரும்பிடும் உபவாசம். (ஏசாயா 58:7)

அமைதியாய் திரும்பு

2010-03-31T20:00:00.000+05:30

அமைதி வேளையில்

ஆசையாய் நித்தமும்

இயேசுவின் பாதத்தை

ஈ போன்று மொய்த்து

உறவாடிய நாட்கள்போய்,

ஊரும் உலகமும்

எப்போதும் உணர்த்தியும்

ஏனோ இப்போது

ஐயனின் பாதத்தில்

ஒருநாள் வருவதுவும்

ஓயாத வெறுப்போ? – மனமே

ஔஷதம் தேவையேல்,

அஃதினை விரும்புவாயே.

ஜெபிக்க எது நல்ல நேரம்?

2010-03-05T23:15:00.000+05:30

எப்போது வேண்டுமானாலும் ஜெபிக்கலாம்:

அதிகாலையில் - தாவீது போல
மத்தியானத்தில் - தானியேல் போல
நள்ளிரவில் - பவுலும் சீலாவும் போல
ஆபத்தில் - பேதுரு போல
துக்கத்தில் - அன்னாளைப் போல
வியாதி வருத்தங்களில் - யோபுவைப் போல
சிறுவயதில் - சாமுவேல் போல
இளமையில் - தீமோத்தேயு போல
முதிர் வயதில் - சிமியோன் போல
சாவிலும் - ஸ்தேவான் போல
வேலையைத் தொடங்கும் போது - எலியேசர் போல
வேலையை முடிக்கும் போது - சாலொமோன் போல
எந்த வேளையிலும் - இயேசுவைப் போல

“எப்போது வேண்டுமானாலும் ஜெபிக்கலாம்; எப்படி வேண்டுமானாலும் ஜெபிக்கலாம்; எங்கு வேண்டுமானாலும் ஜெபிக்கலாம் என்பதால் நம்மில் அநேகர் எப்போதுமே, எப்படியுமே, எங்குமே ஜெபிப்பதில்லை” - யாரோ.

மன அழுத்தமும் ஆன்மீகமும்

2009-11-15T02:43:00.001+05:30

முன் எப்போதும் இல்லாத அளவிற்கு தற்போது நாளிதழ்களிலும் இதர ஊடகங்களிலும்

மன அழுத்தத்திற்கான

(Depression) காரணங்களும், அதனைத் தீர்ப்பதற்கான வழிவகைகளும் விரிவாக அலசப்படுகின்றன. இருப்பினும் மனஅழுத்தம் என்பது தொன்று தொட்டே இருந்து வரும் ஒன்று தான். அறிவியல், மருத்துவம், தகவல் தொழில்நுட்பம் என அனைத்துத் துறைகளிலும் மனிதன் பெருவளர்ச்சி கண்ட பின்னரும் எதிர்பார்த்த ஏதோவொன்று இன்னமும் கிடைக்காத ஏமாற்றம், தோல்வி, வெறுமை உணர்வில் மன அழுத்தம் அவனை நிலைகுலையச் செய்து விடுகிறது. வான்மழை பொய்த்தால் வறுமையின் கொடுமை தாங்காமல் உயிர்விடும் விவசாயிகள் முதல் பணவீக்க ஏற்றத்தாழ்வினால் பதவியிழந்து பரிதவிக்கும் படித்தவர்கள் வரையிலும் அது எவரையும் விட்டு வைப்பதில்லை.

மன அழுத்தம்- ஒரு நோய்

மன அழுத்தம் என்னும் தாழ்வு உணர்வு (Low Mood) நிலை ஒரு நோயாக கருதப்படுகிறது. சாதாரணமாக உடல் நலக் குறைவினால் பொது மருத்துவரை அணுகுவோரில் மூன்றில் ஒருவருக்கு இருப்பது அவர்களின் மன அளவில் ஆரோக்கியமின்மையால் அவர்களது உடல் நலத்தில் ஏற்படும் குறைபாடுகள் என்பது ஆச்சரியமான உண்மை.
உலகில் வாழும் நாம் அனைவருமே நோய் நொடியின்றி ஆரோக்கியமாகத் தான் வாழ விரும்புகிறோம்.

ஆரோக்கியமாயிருத்தல் என்றால் என்ன? ”நோய் நொடி எதுவும் இல்லாமல் இருக்கும் நிலை மட்டுமல்ல; உடல், மனம் மற்றும் சமூக அளவில் ஒருவன் நன்றாயிருப்பதே ஆரோக்கியமாயிருத்தல்” என உலக சுகாதார நிறுவனம் வரையறுக்கிறது. இந்த வரையறை ஒரு உன்னதமான நிலையாக இருப்பதால், இதன்படி உலகில் வாழும் அனைவருமே ஒருவிதத்தில் ஏதாவதொரு கட்டத்தில் நோயாளிகள் தான் என்பது வெளிப்படையான உண்மை.

மன அழுத்தத்தின் மதிப்பீடு

தண்ணீரில் மிதக்கும் பனிக்கட்டி வெளியில் தெரிவது கொஞ்சமாக இருப்பினும் அதன் மொத்த உருவமோ மிகவும் பெரிதாக இருக்கும். அதுபோன்றே, மனநல மருத்துவர்களை நாடும் மன நோயாளிகளின்(Mental Disorders) எண்ணிக்கை 20 மில்லியானாக இருக்கும் பட்சத்தில், இதுதவிர மனஅழுத்தத்தினால் பாதிக்கப்படுவோரின் எண்ணிக்கை மட்டும் 120 மில்லியன் என கணக்கிடப்படுகிறது. இவர்கள் உட்பட எதோவொரு விதத்தில் மனநலம் குன்றியோரின் எண்ணிக்கை 500 மில்லியனைத் தாண்டுகிறது. உலகில் ஆண்டுதோறும் 8, 00, 000 பேர் தற்கொலை செய்துகொள்கின்றனர். இவர்களில் 90 சதவிகிதம் பேருக்கு மன அழுத்தமே காரணம்.

அறிகுறிகள்

அடிக்கடி தலைவலி, மயக்கம், எரிச்சல், மன உழைச்சல், தூக்கமின்மை, அஜீரணக் குறைபாடுகள், கவலை, அச்சம், சோர்வு, தனிமை, தாழ்வு மனப்பான்மை போன்றவை மன அழுத்தத்தின் சாதாரணமான அறிகுறிகள். மன அழுத்தத்தின் தொடர் தாக்குதலினால் உயர் இரத்த அழுத்தம், நெஞ்சுவலி, தோல் நோய்கள், ஒற்றைத் தலைவலி, வயிற்றுப் புண், ஆஸ்துமா மூச்சுத்திணறல் போன்ற நோய்கள் உண்டாகின்றன.

கண்டறிவது எப்படி?

கவலை உணர்வுடன் உடம்பின் பெலன் இழந்த உணர்வு, தன்னம்பிக்கை இழந்து தனிமை உணர்வுடன் ஒதுங்கிக் கொள்லுதல், வழக்கமான பொழுதுபோக்குகளில் நாட்டமின்மை போன்றவை மன அழுத்தத்தின் ஆரம்பகட்ட அறிகுறிகள். அதுவே அதிகமாகி, அதிகாலையில் தூக்கமின்றி விழித்துக் கொள்ளுதல், வாழ்க்கையில் பிடித்தமின்றி வாழக்கையை முடித்துக் கொள்ளலாமோ என்ற எதிர்மறை எண்ணம் அடிக்கடி மனதில் எழுதல், அதற்கான தற்கொலை முயற்சி போன்றவைகளில் ஏதோவொன்று காணப்பட்டால் தகுந்த அலோசகரையோ மனநல மருத்துவரையோ அணுக வேண்டும்.

காரணங்கள்

மன அழுத்தத்தை மூளை அமைப்பு மற்றும் செயல்பாடு குறைவினால் ஏற்படும் சைக்காட்டிக் (Psychotic) மன அழுத்தம் மற்றும் அவ்வப்போது வாழ்க்கையில் ஏற்படும் பாதகமான சுழலினால் ஏற்படும் நியூராட்டிக் (Neurotic) மன அழுத்தம் என இருவகையாக பிரிக்கலாம். இவற்றுள் நியூராட்டிக் வகையே மிகவும் பரவலாகக் காணப்படுவது. கடந்த காலத்தைக் குறித்த குற்ற உணர்வு, நிகழ்காலத்தைக் குறித்த உதவியற்ற நிலை, எதிர்காலத்தைக் குறித்த நம்பிக்கையின்மை இவையே இத்தகைய மன அழுத்தத்தின் முக்கிய அடிப்படைக் காரணிகள். எனவே அத்தகைய சூழ்நிலைக்குள் ஒருவனைத் திடீரென்றோ படிப்படியாகவோ தள்ளும் எந்தவொரு பாதகமான சூழ்நிலையும் அவனுக்கு மனஅழுத்தத்தைக் கொண்டுவருகிறது.

சமாளிப்பது எப்படி?

சரியான திட்டமிடுதல், அவசர மற்றும் அவசியப் பணிகளை முதலில் முடித்தல், வேலைப்பளுவில் அவ்வப்போது ஓய்வு எடுத்தல், மனதை தளர்வாக வைத்திருத்தல், தனிமை மற்றும் எதிர்மறை சிந்தனைகளைத் தவிர்த்து நேர்மறை சிந்தனை நண்பர்களுடன் நிறைய நேரம் செலவிடுதல், தியானம், உடற்பயிற்சிகள், பொழுதுபோக்குக் காட்சிகள் முதலானவை மன அழுத்தத்திற்கு மருந்துகளாக பலராலும் அவ்வப்போது பரிந்துரைக்கப்ப்படுகின்றன. இவைகளெல்லாம் சொல்வதற்கு எளிமையாக இருந்தாலும் இவற்றில் செயல்வடிவில் உள்ள பிரச்சினைகள் அதனை அனுபவித்தவர்களுக்கு மட்டுமே எளிதில் புரியும்.

இவைகள் தவிர ஆற்றுப்படுத்துதல் (Counseling)), மனதிற்கான சிகிச்சை (Psychotherapy), சமூக ஆதரவு கட்டமைப்புகள் (Social Support), தேவைப்பட்டால் மருந்துகள் (Medications) என பல்வேறு வழிகள் உள்ளன.

ஆன்மீகத்தின் பங்கு

மனநல மருத்துவத்துக்கும் ஆன்மீகத்துக்கும் சம்பந்தமில்லை என்றது ஒருகாலம். அப்போது மதம் மற்றும் ஆன்மீக காரியங்களே மன நோயாக கருதப்பட்டன. ஆனால் சமீபத்திய ஆய்வுமுடிவுகள் ஆன்மீகம் மனிதனின் நோய் மற்றும் அதினால் எழும் மன உழைச்சலுக்கு தீர்வாக அமைவதை உறுதிப் படுத்துகின்றன. இதன் விளைவாக சமீப காலங்களில் உலகமெங்கிலும் பரவலாக பல நாடுகளின் மனநல மருத்துவத் துறையில் ஆன்மீகத்துக்கென்றே தனிபிரிவுகள் செயல்படத் தொடங்கியுள்ளன.

ஆன்மீகம் என்பது தனி ஒருவனின் தனிப்பட்ட அனுபவமாகும். எனவே கருத்து வேறுபாடுகளுக்கு அங்கு இடமுண்டு. அமைப்புகளுக்குட்பட்ட ஆன்மீகம் மதம் எனப்படுகிறது. ஆன்மீகம் அவ்விதம் அமைப்புகளுக்குட்படும் போது அதனுடைய நோக்கம் தவறி, எதிர்மறை விளைவுகளைத் தரும் அமைப்பாக மாறிவிடும் வாய்ப்புண்டு. அன்று தொட்டு இன்று வரையிலும் உலகில் மதத்தில் அடிப்படையில் ஏற்படும் பிரச்சினைகளினால் உயிரிழந்தோரின் எண்ணிக்கை மிகவும் அதிகம் என்பது வரலாறு. இருப்பினும் தனி ஒருவனின் மனஅழுத்தத்தை கையாளுவதில் ஆன்மீகம் தான் முக்கிய பங்கு வகிக்கிறது.

ஏப்படியெனில், மனதளவில் அரோக்கியமாக இருக்கும் ஒருவனது அடிப்படைப் பண்புகளை ஒருங்கே பக்குவப்படுத்தும் தன்மை ஆன்மீகத்துக்குத் தான் உண்டு. மற்ற முயற்சிகளும் ஓரளவுக்கு உதவக்கூடும். ஆனால் ஆன்மீகத்தின் உதவியினால் அதிக பலன் உண்டு. சரீர முயற்சி அற்ப பிரயோஜனமுள்ளது; தேவபக்தியானது... ... எல்லாவற்றிலும் பிரயோஜனமுள்ளது (1 தீமோ 4:8).

மனநலத்தின் பண்புகள்

கீழ்க்கண்ட பண்புகளை தன்னகத்தே கொண்டுள்ளவனைத் தான் முழுமையாக மனதளவில் ஆரோக்கியமாக இருப்பவனாக மனநல மருத்துவர்கள் மற்றும் உளவியல் அறிஞர்கள் கணிக்கின்றனர்:

1) தன்னைப் பற்றி தன்னிறைவோடு இருப்பவன்: தன்னைப் பற்றி மிகவும் உயர்வாகவோ அல்லது மிகவும் தாழ்வாகவோ எண்ணம் கொள்வதில்லை. இவர்கள் தமக்குத் தாமே உள்ளூர பிரச்சினைகள் (Internal Conflict)) எதுவுமின்றி, மனரம்மியமாய் திருப்தி உணர்வுடன் இருப்பர்; தங்கள் தவறுகளை ஒத்துக்கொள்ள தயங்குவதில்லை.

2) அயலானைப் பற்றி தரமான சிந்தனை கொண்டவன்: அடுத்தவரை நம்பி ஏற்றுக் கொண்டு அரவணைத்து ஒத்துழைப்புடன் நடந்து கொள்வர். இவர்கள் அயலான் மீது அக்கறை கொள்வதுண்டு.

3) வாழ்க்கையின் எதிர்பார்ப்புகளை நிறைவேற்றுபவன்: வாழ்க்கையில் தமக்கென்று தகுந்த எதிர்பார்ப்புகளைக் கொண்டிருந்து அவர்களை நிறைவேற்றுவதில் துடிப்புடன் இருப்பர். அவைகளில் வரும் தடைகளை மேர்கொள்ளும் பக்குவம் இவர்களுக்கு உண்டு.

தன்னைப் பற்றி

ரோமர் 7:15-25 வசனங்களில் தனக்குதானே சம்மதியில்லாத ஒரு நிர்ப்பந்தமான மனுஷனின் நிலைமை விவரிக்கப்படுகிறது. ”இந்த மரண சரீரத்திலிருந்து யார் விடுதலையாக்குவார்? நம்முடைய கர்த்தராகிய இயேசு கிறிஸ்து மூலமாய் தேவனை ஸ்தோத்தரிக்கிறேன்”. என்பது பவுலின் அனுபவம். கலா. 5:22-23ன் படி, ஆவியின் கனியோ: அன்பு, சந்தோஷம், சமாதானம், நீடியபொறுமை, தயவு, நற்குணம், விசுவாசம், சாந்தம், இச்சையடக்கம்; இப்படிப்பட்டவைகளுக்கு விரோதமான பிரமாணம் ஒன்றுமில்லை. தங்கள் மாம்சத்தையும் அதின் இச்சைகளையும் சிலுவையில் அறைந்துவிட்ட கிறிஸ்துவினுடையவர்களுக்கே இது சாத்தியமாகிறது.

அயலானைப் பற்றி

இயேசு கிறிஸ்து தன்னுடைய ஊழிய நாட்களில் ஊழியம் கொள்ளும்படி அல்ல, ஊழியம் செய்யவே வந்தார். ’உன்னிட்த்தில் நீ அன்புகூருவது போலப் பிறனிடத்திலும் அன்பு கூருவாயாக என்கிற ஒரே வார்த்தையிலே நியாயப்பிரமாணம் முழுவதும் நிறைவேறும் (கலா 5:14)’ என்கிறார் பவுல். ’கடவுளை மற; மனிதனை நினை’ என்ற கோட்பாடு, கடவுள் பெயரில் மனிதனுக்கு தீங்குசெய்த சிலரின் மீதுள்ள ஆதங்கத்தின் வெளிப்பாடு. மற்றபடி கடவுளை நினைத்தவர்கள் தான் மனிதனைக் குறித்தும் அதிகம் நினைத்திருக்கிறார்கள் என்பது கண்கூடான வரலாற்று உண்மை. ஆன்மீகம் ஒருவனை அயலானிடம் அன்பு செலுத்தி அவர்களுடன் நல்லுறவு பேணும் பண்பாளனாக மாற்றுகிறது.

வாழ்க்கையின் எதிர்பார்ப்புகள்

வாழ்க்கையில் தகுதிக்கு மிஞ்சிய எதிர்பார்ப்புகள் தோல்வியையும் ஏமாற்றத்தையும் தந்து இறுதியில் மன அழுத்தத்தைத் தான் கொண்டுவரும். தன்னைப் படைத்த தேவனின் சித்தத்திற்கு உட்பட்டு, வாழ்க்கையில் திட்டங்களை வகுத்துச் செயல்படும் போது அதனை நிறைவேற்றுவதில் தேவனுடைய உதவி கிடைக்கிறது. நோக்கம் உந்தும் வாழ்க்கையில் சவால்களை மேற்கொள்ளும் வலிமை கிடைப்பதால், எத்தகைய சூழ்நிலையிலும் மன அழுத்தத்தில் அழுந்தி விடாமல், சமாளித்துக் கொள்ளமுடிகிறது.

மனதிற்கான சிகிச்சையில் ஆன்மீகம்

மருத்துவம் மற்றும் உளவியல் துறைகளில் மனதிற்கு சிகிச்சையளிப்பது (Psychotherapy) ஒரு முக்கியமான சிகிச்சை முறையாகும். இந்த தொடர் சிகிச்சை மூலமாக காலப்போக்கில் படிப்படியாக மனதளவில் மாற்றம் ஏற்படுத்துவதுதான் இதன் நோக்கம். இதனையே பவுல், ரோமர் 12:2ல், ’நீங்கள் இந்தப் பிரபஞ்சத்திற்கு ஒத்த வேஷந்தரியாமல், தேவனுடைய நன்மையும் பரிபூரண சித்தமும் இன்னதென்று பகுத்தறியத்தக்கதாக உங்கள் மனம் புதிதாகிறதினாலே மருரூபமாகுங்கள்’ என்கிறார். மனதிற்கு சிகிச்சை மூலமாக ஓரளவுக்கு பலன் கிடைத்தால் போதும் என்பதுதான் எதிபார்ப்பு. ஆனால், இயேசு கிறிஸ்து, ’நானோ அவைகளுக்கு ஜீவன் உண்டாயிருக்கவும் அது பரிபூரணப்படவும் வந்தேன்’, என வாக்கு பண்ணியிருக்கிறார். எனவே மன அழுத்தத்திற்கு மருத்துவ மற்றும் உளவியல் முறைகளினால் கிடைக்கும் பலனைக் காட்டிலும் நிறைவான மற்றும் விரைவான பலன் ஆன்மீகத்தினால் கிடைக்கிறது.

இயேசு கிறிஸ்து ‘எங்கும் சுற்றித் திரிந்து பிணியாளிகளை சொஸ்தாக்கினார்’ என்று நாம் அறிவோம். ”அவர், பிரசங்கத்தைக் காட்டிலும் பிணியாளிகளை சொஸ்தமாகுவதற்கே அதிக நேரம் செலவளித்தார்” என்கிறார் ஒருவேதவல்லுநர். அந்த பிரசங்கங்கள் கூட பிணிக்குக் காரணமான ஆவி, ஆத்தும பிரச்சினைகளை முதலில் சரி செய்யவே என்பது அவரின் கருத்து. இயேசு கிறிஸ்துவின் போதனைகளை பின்பற்றி நமது ஆவி, ஆத்துமாவில் அரோக்கியமாக வாழும் போது மன அழுத்தினால் ஏற்படும் உடல் உபாதைகளிலிருந்து விடுதலை பெற்று ’ஆரோக்கியம்’ கிடைப்பது நிச்சயம்.

”பிரியமானவனே, உன் ஆத்துமா வாழ்கிறது போல, நீ எல்லாவற்றிலும் வாழ்ந்து
சுகமாயிருக்கும்படி வேண்டுகிறேன்” (3 யோவான் 2).

This is my article published in Unnatha Siragukal July-Sept 2009 issue.

எழுதிப் பிரகாசி... உனக்கு வழி பிறந்தது.

2008-12-09T16:46:00.001+05:30

தமிழ்ப் பத்திரிக்கை உலகில் உள்ள மொத்த பத்திரிக்கைகளின் எண்ணிக்கையில் கிறிஸ்தவ பத்திரிக்கைகள் முதலிடத்தில் காணப்பட்டாலும் அவைகளுள் அதிக பிரதிகளிலோ தரத்திலோ உருப்படியாய் வெளிவருபவை ஒரு சிலவே. இதற்கு பல்வேறு சாக்குப்போக்குகள் கூறப்பட்டாலும் இன்றைய தமிழ்க் கிறிஸ்தவம் இதனை பெரிதாக கண்டுகொண்டதில்லை என்பது தான் நிசர்சனமான உண்மை.

அவ்வப்போது சில கிறிஸ்தவ நிறுவனங்கள் நடத்திய எழுத்தாளர் பணிமனைகள் இந்த குறைபாட்டினை சமாளிக்க எடுத்துக் கொண்ட முயற்சிகளின் மத்தியில், சமீபத்தில் ஆசீர்வாத இளைஞர் இயக்கம் நடத்திய எழுத்தாளர் பணிமனை ஒரு குறிப்பிடத்தக்க விசயமாகும். “இறைவன் எழுதுகிறார்” என்ற தலைப்பில் 2008 நவம்பர் 28-30 சென்னை சாந்தோம் தியான ஆசிரமத்தில் இது சிறப்புற நடைபெற்றது.

மும்பை துப்பாக்கிச் சூட்டினால் நாடு முழுவதிலும் பரவியிருந்த பாதுகாப்பு பயம், நிசாவின் தாக்குதலால் தமிழகம் முழுவதும் வெள்ள பாதிப்புகள், இதனால் போக்குவரத்துப் பாதிப்பு... என பல்வேறு தடைகள். இவைகளெல்லாம் இருந்த போதிலும் இதில் பதிவு செய்திருந்த 84 பேர்களில் 63 பேர் சரியான நேரத்தில் வந்திருந்து மூன்று நாட்களும் முழுமையாக பங்கு கொண்ட காரியம் இன்றைய தமிழ்க் கிறிஸ்தவர்களிடையே இதற்கென்று ஆர்வம் கொண்டுள்ளோர் இருக்கத்தான் செய்கின்றனர் என்பதை உறுதிபடுத்தியது. அதனை நிறைவு செய்யும் வண்ணம் பனிமனையின் நிகழ்வுகள் எல்லாம் நிறைவாகவும் சிறப்பாகவும் இருந்தன என்றால் அது மிகையல்ல.

ஆசீர்வாதம் பத்திக்கையில் அடிக்கடி கட்டுரைகள் மற்றும் புத்தகங்கள் பல எழுதி கிறிஸதவ வட்டாரத்தில் சிறப்பான இடம்பிடித்துள்ள டாக்டர். திருமதி. லில்லியன் ஸ்டான்லி, மற்றும் தனியொருவராய் பத்திரிக்கை தொடங்கினும் தரத்திலும் எண்ணிக்கையிலும் உயர்ந்து தமிழ்க் கிறிஸ்தவ உலகில் முத்திரை பதித்துக் கொண்டிருக்கும் வானமுதம் பத்திரிக்கையின் ஆசிரியர். திரு. கிங்ஸ்லி அருணோதய குமார் ஆகியோரின் பயிற்றுவிப்பில் பங்கு கொண்டோர் நல்ல பக்குவம் பெற்றனர். இவர்களுடன் ஆசீர்வாத இளைஞர் இயக்க ஊழியங்களில் தகவல்களைத் தொகுத்து அறிக்கைகளாக தருவதில் நல்ல அனுபவம் கொண்ட திரு. ஈ. எல். மதன்சிங், மொழி பெயர்ப்புப் பணியில் தனக்கென்று தனி பாணியைக் கண்டுள்ள திரு. ஈ.எல். ஈப்ரிம், வானமுதம் இதழில் முக்கிய பங்காற்றும் சிறுகதை சுந்தர் ஆகியோரும் அவரவர் பங்கினை சிறப்பாக பகிர்ந்தளித்தனர்.

பணிமனையில் குழுக்களாகப் பிரிந்து, பத்திரிக்கை தயாரிக்கும் பயிற்சிக்கு நேரம் கொடுக்கப்பட்டது. பங்கு கொண்ட அனைவருக்கும் சான்றிதழ்களூம் ஒவ்வொரு துறையிலும் சிறப்பாக அமைந்த படைப்புகளுக்கு சிறப்பு பரிசுகள் மற்றும் சான்றிதழ்களும் சிறந்த பத்திரிக்கையை வடிவமைத்த குழுவினருக்கு பாராட்டுப் பரிசு மற்றும் சான்றிதழ்களும் வழங்கப்பட்டன.

மிக குறைந்த கட்டணத்தில் நிறைவான பயிற்சியை இயக்க, நிறுவன அமைப்புகள் வேறுபாடின்றி அனைத்து தமிழ்க் கிறிஸ்த எழுத்தார்வலர்களும் பெற்றுக் கொள்ள வேண்டும் என்ற எண்ணத்தில் திரு. ஈ. எல். ஈப்ரிம் அவர்களின் ஒருங்கிணைப்பில் நடைபெற்ற இப்பணிமனையின் முழு செலவினையும் ஆசீர்வாத இளைஞர் இயக்கம் எடுத்துக் கொண்டதன் மூலம் கிறிஸ்தவ எழுத்தாளர்களை எழுப்பி விடுவதில் அதன் தீராத ஆசை நிறைவேறி உள்ளது.

பங்கு கொண்ட அனைவரும், ”எழுதிப் பிரகாசி... உனக்கு வழி பிறந்தது” என்று கர்த்தரின் நேரிடைக் கட்டளையினை பெற்றுக் கொண்ட உணர்வில் திரும்பிச் சென்றனர். இதுபோன்ற அரிய காரியங்களில் அனைத்து முன்னணி கிறிஸ்தவ எழுத்தாளர்களும் ஒன்றுபட்டு செயல்பட்டால் நமது சமுதாயத்தில் கிறிஸ்துவின் ஆட்சி வேரூன்றி விரைவில் மாற்றங்கள் நிகழும் என்பதில் ஐயம் இல்லை.

- டாக்டர். பேதுரு, தாராபுரம்.

2008 - உனக்கு இது கி.பி. எத்தனையாவது ஆண்டு?

2008-09-21T22:26:00.000+05:30

உலக வரலாற்றில் எந்தவொரு நிகழ்வினைக் குறிப்பிட்டாலும் கி.மு/ கி.பி என்ற வழக்கமே பரவலாக இருந்துவருவதை நாம் அறிவோம். காரணம் என்ன? அந்த அளவிற்கு உலக வரலாற்றில் இயேசு முக்கியமான (மைய) இடத்தைப் பிடித்து விட்டார் என்றால் அது மிகையல்ல. கிறிஸ்துவுக்குப் பின் உலக சரித்திரத்தில் குறிப்பிடத்தக்க மாற்றங்கள் நிகழ்பவைகளும் காரணமாகலாம். கி.மு/ கி.பி வழக்கமுறையை வைத்து, உலக நிகழ்வுகளே அவரை மையமாக்க் கொண்டு தானோ என நினைப்பதிலும் தவறு இல்லை.

அந்த அளவிற்கு உலக சரித்திரத்தில் சாதனை படைத்த இயேசு உன் வாழ்க்கையில் ஏதாவது செய்திருக்கிறாரா? ஒருவேளை நீ பிறந்து வளர்ந்ததே கிறிஸ்தவக் குடும்பமாக இருக்கலாம். நல்லது. ஆனாலும் உனது வாழ்க்கைச் சரித்திரத்திலும் கி.மு/ கி.பி என்ற பயன்பாடு உண்டு. அனேகர் தங்களைப் பற்றி அல்லது அடுத்தவரை பற்றி எதையாவது குறிப்பிடும் போது திருமணத்திற்கு முன் அப்படி இருந்தார் இப்போதைக்கு அப்படி இல்லை என்பார்கள்; அல்லது திருமணத்திற்கு பின் ஆளே மாறிவிட்டார் என கூறுவது உண்டு. திருமணம் என்ற நிகழ்வினால் ஒருவனு(ளு)டைய வாழ்க்கையில் நுழையும் ஒருவனா(ள)ல் அவனு(ளு)டைய வாழ்க்கை நடைமுறையில் அத்தனை மாற்றங்கள் நிகழ்கின்றது அல்லவா?

அதுபோன்றே ஒருவனுடைய வாழ்க்கையில் கிறிஸ்து என்று ஒருவர் குறுக்கிட்டால், அவனுடைய வாழ்க்கை நடைமுறையிலும் மாற்றங்கள் கண்டிப்பாக இருக்கும். அது ஒருவேளை சிலருக்கு ஒரே நாளில் வெளிப்படையாக தெரிவதாக இருக்கலாம்; சிலருக்கு படிப்படியான மாற்றங்களுக்குப்பின் பலநாட்கள் கழித்து வெளிப்படுவதாக இருக்கலாம். எது எப்படியாயினும் கிறிஸ்து ஒருவனுக்குள் இருந்தால் அவனுடைய சரித்திரத்தில் கி.மு/ கி.பி என்று இரண்டு அத்தியாயங்கள் கண்டிப்பாக இருக்கும். அப்படி ஏதும் இல்லையெனில், இன்னும் அங்கு கிறிஸ்து வரவில்லையென்று தான் அர்த்தம்.

இப்படியிருக்க, ஒருவன் கிறிஸ்துவுக்குள்ளிருந்தால் புதுச்சிருஷ்டியாயிருக்கிறான்; பழையவைகள் ஒழிந்துபோயின, எல்லாம் புதிதாயின. 2 கொரிந்தியர் 5:17

அது சரி. உங்கள் வாழ்க்கை சரித்திரத்தில் இது கி.பி எத்தனையாவது ஆண்டு என உறுதியாக கூறமுடியுமா?

புதிய‌தோர் உல‌கு செய்வோம்

2008-08-13T01:41:00.001+05:30

இன்று நாம் எத்திசை திரும்பினாலும் எச்.ஐ.வி/எயிட்ஸ் பற்றிய விழிப்புணர்வு வாசகங்களைக் காணமுடிகிறது. சமீபத்தில் சிக்குன்குனியா, அதற்கு முன்னர் சார்ஸ், போன்ற நோய்களெல்லாம் திடுதிப்பென வந்து பரபரப்பை உண்டுபண்ணி விட்டு பின்ன‌ர் பதுங்கிக் கொண்டன. ஆனால் 27 வருடங்களுக்கு முன்னர் முதன் முதலில் கண்டறியப்பட்ட எயிட்ஸ் நோய் தற்போது இந்தியாவில் மட்டும் கிட்டத்தட்ட இருநூறில் ஒருவருக்கு என்ற அளவில் பரவலாகப் பரவி பரபரப்பையல்ல, பரிதாபத்தை உண்டுபண்ணி வருவதை நாம் கண்கூடாகக் கண்டுவருகிறோம்.

நம்மில் எச்.ஐ.வி/எயிட்ஸ் பற்றி பலரும் பலவிதமாக பேசிக்கொண்டாலும் நான்கு வழிமுறைகளில் மட்டுமே அது பரவுவதாக உறுதிசெய்யப்பட்டுள்ளது. முதலில் தகாத அல்லது பாதுகாப்பற்ற பாலுறவினால்; இரண்டாவது இந்த கிருமியினால் பாதிக்கப்பட்ட கர்ப்பிணிப் பெண்ணிடமிருந்து குழந்தைக்கு; அடுத்து இந்த‌ கிருமிகளைக் கொண்ட இரத்தம் தோய்ந்த ஊசிகளின் மூலம்; இறுதியாக பரிசோதிக்கப்படாத இரத்ததானம் மூலமாக.

இவ்விதம் இது நான்கு வழிகளில் பரவினாலும் முதலாம் வகையின் மூலமே கிட்டத்தட்ட 90 சதவிகிதம் பரவுகிறது என்பதும் எச்.ஐ.வி/எயிட்ஸ் கிருமியினால் பாதிக்கபட்டவர்களில் 50 சதவிகிதத்தினர் 15 முதல் 24 வய‌திற்குட்பட்ட இளைஞர்கள் என்பதும் கவனத்தில் கொள்ளவேண்டிய விஷயமாகும். இந்தியாவின் எதிர்கால‌ம் இளைஞ‌ர்க‌ள் கையில்... ஆனால் இத்த‌கைய‌ இளைஞ‌ர்க‌ளின் எதிர்கால‌ம்...?

மருத்துவ அறிவியலின் வளர்ச்சி, சட்ட திட்டங்கள் என பல்வேறு முயற்சிகளினால் மற்ற மூன்று வழிமுறைகளும் வெகுமாக கட்டுப்படுத்தபட்டு வரும் நிலையில், முதல் வழிமுறையினைத் தடுக்கும் முக்கிய வழிமுறைகள் தெரியாமல் இன்னமும் தவித்து வருவது இன்று நமது சிந்தனைக்கு விருந்தாகி விட்டது. ஆக "எயிட்ஸை தடுக்க உடனடித் தேவை சட்டமா? மனமாற்றமா? என திண்டுக்கல் லியோனி போன்றோரின் சமீபத்திய பட்டிமன்ற கருப்பொருளாகவும் அது உருவெடுத்துள்ளது.

எச்.ஐ.வி/எயிட்ஸ் பரவுவதைத் தடுக்க தற்போது இருக்கும் ABC திட்டம் மிகவும் பிரபலமான ஒன்று. அதாவது, A - (Abstinence) திருமணத்திற்கு முன் பாலுற‌வைத் த‌விர்த்தல்; B - (Being faithful to the partner) திருமண்த்திற்குப் பின் உண்மையாயிருத்தல்; C - (Condom usage) இரண்டும் முடியாத பட்சத்தில் ஆணுறை அணிதல். இவை பார்ப்பதற்கு மிகவும் எளிதாகவும், பயனுள்ளவையாகவும் தோன்றினாலும் நடைமுறையில் பல சிக்கல்களையும் தத்துவ தர்க்கங்களையுமே இது கொண்டுவர வல்லது. ஒருவேளை குறிப்பிட்ட சூழலில் இருப்போரிடையே கட்டுக்கடங்கா வேகத்தில் பரவிவரும் அதன் அளவினை ஓரளவிற்கு கட்டுப்படுத்தும் ஆரம்பகட்ட முயற்சியாக இது உதவுகிறதே தவிரே இதுவே முடிவான தீர்வு அல்ல.

இது அவசியமான ஒன்றுதான்; எனினும் எச்.ஐ.வி/ எயிட்ஸ்‍க்கு உண்மையான‌ ப‌தில் பாலுற‌வு ந‌டத்தை மாற்ற‌மே. நெறிமுறைக‌ளைப் பின்ப‌ற்றி பாலுற‌வு ந‌ட‌த்தையில் மாற்ற‌த்தைக் கொண்டு வ‌ருவ‌த‌ன் மூல‌ம் எயிட்ஸின் போக்கையே த‌லைகீழாக திருப்ப‌லாம் என்ப‌த‌ற்குச் சான்று பகரும் வண்ணம் உகாண்டா போன்ற சில நாடுகள் எயிட்ஸின் பிடியில் மடிந்துக் கிடந்த நிலையிலிருந்து இன்று அவை எழுந்து நிமிர்ந்து நிற்க‌த் தொட‌ங்கியுள்ள‌ன‌.

ஆனால், இன்றைய இளைஞர்கள் நமக்கோ சவாலே இங்கு தான். 'செக்ஸ்' என்பது மிகவும் பிடித்துப் போன சப்ஜெக்ட் ஆகி விட்டது. அது பற்றிய பாடல்களையே அதிகமாக கேட்கிறோம் அல்லது பாடுகிறோம். அதைப் பற்றிய ஜோக்குகளையே அதிகம் விரும்பி கேட்கிறோம். விளம்பரங்கள் முதல் காட்சிகள் வரை 'கவர்ச்சிகள்' இல்லாத நிலையைக் காண்பது என்பது மிகவும் அரிதாகி விட்டது. அப்போதெல்லாம், 'நானும் அனுபவித்துப் பார்க்கவேண்டும்' என்ற அடக்க முடியாத ஆவலும் ஒருவித கிளர்ச்சியும் நம்மைப் பாடாய்ப் படுத்திவிடுகின்றன அல்லவா?

அதும‌ட்டுமா... 'உன் அன்பை நிரூபித்துக் காட்ட‌', 'உன் ஆண்மையை நிரூபிக்க‌', உன்னால் முடியும் என‌ நிரூபித்துக் காட்ட‌' என, அப்பாடா... இப்படி எத்தனையோ வ‌கையான‌ அழுத்த‌ங்க‌ள் ந‌ண்ப‌ர்க‌ளிட‌மிருந்தே நாள்தோறும் வ‌ந்து கொண்டிருக்கின்ற‌ன‌வே. பின்ன‌ர் எப்ப‌டி ந‌ட‌த்தையில் க‌ண்ணிய‌மாய் இருப்ப‌து? உன‌து சூழ்நிலைக‌ள் எதுவாயிருப்பினும், பள்ளி/ கல்லூரி இளைஞன் என்ற முறையில் நீ உறுதியான தீர்மானம் எடுக்க வேண்டியதெல்லாம் 'திருமணத்திற்கு முன் உடலுறவு என்பதே இல்லை' என்பது தான்.

காதல் வலையில் சிக்கியோர் பலர் தங்களையும் அறியாமல் சிக்கிக் கொள்ளும் அடுத்த வலை தான் பாலுறவு. அன்பும் பாலுறவும் ஒன்றல்ல. பாலுறவு ஒன்றும் அன்பின் வெளிப்பாடும் அல்ல; உணமையாகக் கூறினால், ஒருவர் மேல் உண்மையான அன்பு செலுத்தும் எவரும் மற்றவரை திருமணத்திற்கு முன் பாலுறவிற்கு நிர்ப்பந்திக்க இயலாது. கொஞ்ச‌ நேர‌ இன்ப‌த்திற்காக‌வும் அட‌க்க‌முடியாத வேட்கைக்காக‌வும் தகாத முறையில் இருவ‌ர் ஒன்றாக‌ கூடுவ‌துட‌ன் பாலுற‌வு முடிவடைந்து விடுவ‌தில்லை. அதுவே வேத‌னைக‌ளின் ஆர‌ம்ப‌ம். எதிர்பார்த்திருந்த‌ இன்ப‌த்தைக் காட்டிலும் மேலான‌ குற்ற‌ உண‌ர்வையும் ம‌ன‌த்துயரையுமே அது கொண்டு வ‌ரும்.

எனவே திரும‌ண‌ம் வ‌ரை பாலுற‌வைத் த‌விர்ப்ப‌து என்பது அனைத்து வழிகளிலும் பயன் தரக்கூடியது. அது ஒன்றும் முடியாத‌ காரிய‌ம் அல்ல! உன்னைச் சுற்றிலும் அனேகர் அது சாத்தியம் என‌ நிரூபித்துக் கொண்டிருக்கிறார்களே! இத்தகைய வலிமையைப் பெறுவது எவ்வாறு? கிறிஸ்த‌வ‌ வேத‌ம் கூறுகிற‌து. உல‌க‌ம் தோன்றிய‌ போது கீழ்ப்ப‌டியாமையால் தோன்றிய‌ பாவ‌த்தைப் போக்க இறைவ‌ன் ம‌னுமைந்த‌னாக‌ (இயேசுவாக‌) வ‌ந்து சிலுவையில் த‌ன்னையே ப‌லியாக‌க் கொடுத்து பாவ‌த்தை போக்கினார். உயிர்த்தெழுந்த இறைவ‌னாய் இன்றும் ம‌க்க‌ளுக்கு பாவ‌த்தை எதிர்த்து நிற்கும் ச‌க்தியை அருளுகின்றார்.

முப்பத்து மூன்று ஆண்டுக‌ள் உல‌கில் இளைஞ‌னாக‌ வாழ்ந்து, ப‌ரிசுத்த‌மான‌ மாதிரியாய் வாழ்ந்து ம‌க்க‌ளுக்காய் ம‌ரித்த‌ இயேசுவை நம்பி உன் உணர்வுகளை அவரிடம் ஒப்படைத்துவிடும் போது அவ்வித வலிமையை நிச்சயம் உனக்கு அருளுவார்.

அப்படிப்பட்ட‌ புனித வாழ்வை த‌னியொருவ‌ன் நீ அடைந்து, அத‌ன் மூல‌ம் எயிட்ஸ் இல்லா புதியதோர் உல‌கு செய்ய‌ நீ ஆய‌த்த‌மா?

[தரிசனச்சுடர்- ஆகஸ்ட் 2008 - நற்செய்தி இதழில் வெளியான எனது கட்டுரை.]

.

பாலுற‌வு சோத‌னைக‌ளும் ப‌ரிகார‌ப் பதில்க‌ளும்

2008-07-21T00:16:00.001+05:30

சோத‌னை 1: "'செக்ஸ்' ந‌‌ம்மை இன்னும் நெருக்க‌மாக்கும்"

ப‌தில்: இல்லை. செக்ஸ் ம‌ட்டுமே ந‌மது உற‌வின் மைய‌மாகி, வேறு எத‌ற்கும் அங்கே இட‌மிருக்காது.

சோத‌னை 2: "உன‌க்கு உண்மையாக‌வே என்மீது அன்பு இருந்தால், நிச்ச‌ய‌மாக‌ இத‌ற்கு ஒத்துக் கொள்வாய்"

ப‌தில்: நீ உண்மையாகவே என்னை நேசித்தால் இப்படி என்னிட‌ம் கேட்க‌வே மாட்டாய்; நீ என்னை ம‌திக்க‌வில்லையா?

சோத‌னை 3: "இந்த ஒரேயொரு தடவை மட்டும்..."

ப‌தில்: யாராலும் செக்ஸை ஒருமுறையோடு நிறுத்த‌ முடியாது. அது திரும்ப‌த் திரும்ப‌ வேண்டும் என்று ஏங்க‌ வைக்கும்.

சோத‌னை 4: " என் ஞாபகர்த்தமாக இதை உனக்குக் கொடுக்க விரும்புகிறேன்"

ப‌தில்: ஓ, ஒருவேளை எயிட்ஸ்... அல்ல‌து குழ‌ந்தை...?

சோத‌னை 5: "நீ என்னோடு செக்ஸ் உறவு கொள்ளவில்லை என்றால், நான் வேறு யாரையாவது தேடிக் கொள்வேன்"

ப‌தில்: ந‌‌ல்லது. ந‌ம் இருவ‌ருக்கும் அமோக‌மான‌ வாழ்க்கை அமைய‌ என‌து ந‌ல்வாழ்த்துக்க‌ள்.

சோத‌னை 6: "எல்லோரும் தான் செய்கிறார்களே..."

ப‌தில்: இது உண்மையல்ல; எத்தனையோ பேர் இதனைத் தவிர்த்து, கற்போடு வாழ்கிறார்கள்.

சோத‌னை 7: "கவலையே வேண்டாம். நான் ஆணுறையை பயன்படுத்துகிறேன்; நல்ல பாதுகாப்பு உண்டு".

ப‌தில்: என‌க்கும் 100% பாதுகாப்பு த‌ரும் ஒன்று உண்டு. அது தான் 'வேண்ட‌வே வேண்டாம்' என்ப‌து.

நண்பனே,ஒருவேளை நீ ஏற்க‌ன‌வே செக்ஸ் உறவை அனுப‌வித்து விட்டாய். இன்னும் திரும‌ண‌மாக‌வில்லை. ம‌ன‌ம் உடைந்திருக்கிறாய். நீ கேவ‌ல‌மாக‌, அசுத்த‌மாக‌, க‌ள‌ங்க‌ப்ப‌ட்ட‌வனாக‌ உண‌ருகிறாய். என்ன‌ செய்வ‌தென்று அறியாம‌ல் திகைக்கிறாய்.

உன‌க்கு ஒரு ந‌ற்செய்தி. இன்றே நீ ஒரு புது வாழ்வை ஆர‌ம்பிக்க‌லாம். நீ செய்துவிட்ட‌து த‌வ‌றே என்ற‌ போதிலும் தேவ‌ன் இன்னும் உன்னை நேசிக்கிறார். நீ தேவ‌ன‌ண்டை வந்து, உன் பாவ‌த்தை அறிக்கையிட்டு, உண்மையாக‌வே நீ செய்த‌வ‌ற்றுக்காக‌ ம‌ன‌ம் வருந்துவாய் என்றால், அவ‌ர் உன்னை ம‌ன்னித்து, உன்னை விடுத‌லையாக்கி, உன‌க்கு வாழ்வ‌ளிப்பார். நீ உன்னை ஒரு புது ம‌னித‌னாக‌, ம‌னுஷியாக‌ உண‌ர‌ முடியும்.

இப்படியிருக்க, ஒருவன் கிறிஸ்துவுக்குள்ளிருந்தால் புதுச்சிருஷ்டியாயிருக்கிறான்; பழையவைகள் ஒழிந்துபோயின, எல்லாம் புதிதாயின. (2 கொரி 5:17).

Source: Ten Reasons Not To Have Sex Before Marriage (Tamil)

வாழ்வதா சாவதா - எது கடினம்?

2008-05-10T00:33:00.001+05:30

எனது இளங்கலை கல்லூரி நாட்களில் நான் விரும்பி பயன்படுத்திக் கொண்டிருந்த ஒரு குறிப்பிட்ட பொருளை எப்படியாவது என்னிடமிருந்து பறித்துக் கொள்ள வேண்டுமென்று முயற்சி செய்த எனது நெருங்கிய நண்பனின் முயற்சி இறுதியில் தோல்வியில் முடிந்தது. கடைசி முயற்சியாக அவன் என்னிடம் இப்படியாக கூறினான். " அவனவன் நண்பர்களுக்காக தன் உயிரையே கொடுக்குறான்க; நீ என்னவென்றால், இந்த சாதாரணமான பொருளையே எனக்காக விட்டுக் கொடுக்க மாட்டேன் என்கிறாயே" உடனே நானும் இப்படியாக எனது பதிலை கூறினேன், " நீ வேண்டுமென்றால் எனது உயிரை வேன்டுமென்றாலும் எடுத்துக்கொள்; ஆனால் இந்தப்பொருளை விட்டுவிடு."

இதனைக் கேட்ட அவன் சிரித்துக் கொண்டே இடத்தைக் காலி செய்து விட்டான். ஆனால் இந்த நிகழ்ச்சியை ஞாபகப்படுத்திக் கொள்ளும் போதெல்லாம் எனக்கு ஒரு குறிப்பிட்ட ஆவிக்குரிய கருத்து எனது எண்ணத்தில் வரும் அதனை உங்களுடன் பரிந்து கொள்ள‌ விரும்புகிறேன்.

எனது நண்பனுக்கு வேண்டிய்தெல்லம் நான் விரும்பி பயன் படுத்திக் கொண்டிருந்த‌ எனது பொருள் தான். எனது உயிரை கொண்டு அவன் ஒன்றும் செய்ய முடியாது. ஆனாலும் அன்பின் உச்சக் கட்ட வெளிப்பாடாகத் தான் அவன், உயிர்விடுதலைக் குறிப்பிட்டான். அவனை பொறுத்தவரை எனது உயிர் அல்ல; எனது பொருள் தான் முக்கியம்.

ந‌ம்மில் ப‌ல‌ர் ஆண்ட‌வ‌ருக்காக‌ இர‌த்த‌ சாட்சியாக‌வும் ம‌ரிக்க‌ த‌யார் என‌ மார்த‌ட்டிக் கொள்வதுண்டு. ஆனால் எத்த‌னை சூழ்னிலைக‌ளில் கிறிஸ்துவின் உண்மை சாட்சியாய் ந‌ம்மை வெளிப்படுத்திக் கொள்வ‌தில் த‌ய‌க்க‌தைக் காட்டியிருக்கின்றோம். நாமெல்லரும் இர‌த்த‌ சாட்சியாய் ம‌ரிக்க‌ வேண்டுமென்று ஆண்ட‌வ‌ர் ந‌ம்மை அழைக்க‌வில்லை; நாம் அவ‌ருக்காய் சாட்சியாய் வாழ‌வேண்டும் என‌வும் அத‌ற்கான பாதையில் ஒருவேளை ம‌ரிக்க‌வேண்டி வந்தாலும் அத‌ற்கும் த‌யாராக‌ இருக்க‌ வேண்டுமென்று தான் அவர் ந‌ம்மிட‌ம் எதிர்பார்க்கிறார்.

உள்ளூர்க் குட்டையில் மீன் பிடிக்காத‌வ‌ன் எப்ப‌டி வெளியூரில் ஆற்றில் மீனைப் பிடிக்க‌ முடியும்? என‌வே சாட்சி வாழ்க்கை வாழ‌ துடிப்பில்லாத‌வ‌ர்க‌ளின் 'இர‌த்த‌ சாட்சி' வாசகங்க‌ளெல்லாம் வெறும் வெட்டிப் பேச்சுக்க‌ள்.

"வாழ்வ‌தே கிறிஸ்துவுக்காக‌; அத‌ற்காக‌ சாவ‌தும் மேலாதே" என்ற‌ ப‌விலின் வார்த‌தைக‌ளைப் போன்று நாமும் சாகும் வ‌ரையும் நல்ல‌ சாட்சியாய் வாழ‌ தீர்மானிப்போமா?

யோகா - ஒரு கிறிஸ்தவ மருத்துவரின் கண்ணோட்டம்.

2008-01-20T01:11:00.001+05:30

முற்காலங்க‌ளிலெல்லாம் மக்களிடையே காலரா, வாந்திபேதி, நிமோனியா, தொற்றுநோய்க‌ள் என கிருமிகளினால் ப‌ர‌வும் வியாதிக‌ள் மிக அதிக அளவில் காணப்பட்டன‌. ஆனால் இந்நாட்க‌ளில் ச‌ர்க்க‌ரை, இர‌த்த‌க் கொதிப்பு, புற்றுநோய், மாரடைப்பு, ம‌ன‌ அழுத்த‌ம் போன்ற‌ வாழ்க்கைமுறை சார்ந்த (Life style diseases) வியாதிகளே அதிகமாகப் பேசப்படுகின்றன‌.

மருத்துவத் துறையின் அசூர வள‌ர்ச்சி மற்றும் தகவல் தொழில் நுட்பங்களின் பெருக்கம் மருத்துவருக்கும் நோயாளிக்குமிடையே உள்ள இடைவெளியை அதிகரிக்கச் செய்கிறது... ம‌ருத்துவ‌ச் செலவினத்தைக் கூட்டுகிற‌து... சில வேளைகளில் செல‌வு செய்ய ப‌ண‌ம் இருந்தும் செலவு செய்துகூடப் புண்ணிய‌மில்லை என மருத்துவத்துறை கைவிரிக்கும் நிலைமையில், எப்படியாயினும் தீர்வு கிடைத்து விடாதா என்ற எதிர்பார்ப்போடு மாற்று மருத்துவ முறைக‌ளில் (Alternative Medicine) நாட்ட‌ம் செலுத்துவோரின் எண்ணிக்கை நாளுக்கு நாள் அதிகரித்துக் கொண்டே செல்கிறது.

மருத்துவமனைகளுக்கு வந்துசெல்லும் நோயாளிகளில் மூன்றில் ஒருவருக்கு இருப்பது அவரது மனரீதியான பாதிப்புகளினால் ஏற்படும் உடல்நல கோளாறுகளே. இந்நிலையில் அவர்கள் மருந்து மாத்திரகளை மறந்துவிட்டு மாற்று மருத்துவ முறைகளில் ஊக்குவிக்கப்படுவது ஒன்றும் புதிர‌ல்ல. உலகில் யோகா, ஆழ்நிலை தியானம் போன்ற இருபதுக்கும் மேற்பட்ட மாற்று மருத்துவ முறைகள் உள்ளன. ஒருவித‌த்தில் ஆங்கில மருத்துவத்தின் (Allopathic Medicine) வ‌றைய‌றுக்க‌ப்ப‌ட்ட‌ எல்லையே யோகா போன்ற மாற்றுமுறை மருத்துவத்தின் வள‌ர்ச்சிக்கு காரணம் எனலாம்.

யோகா என்பது என்ன?

சமஸ்கிருத மொழியிலிருந்து வந்த யோகா என்ற வார்த்தைக்கு "இணைப்பு" என்று பொருள். உட‌ல் ஆச‌ன‌ நிலைக‌ள் ம‌ற்றும் மூச்சுப்பயிற்சிக‌ள் மூலம் மனிதனை இறைவனுடன் இணைக்க முற்படும் மனித முயற்சியே யோகா என்றழைக்கப்படுகிறது.

யோகா என்பது அடிப்படையில் ஒரு தனிமனித ஒழுக்கம், வாழ்க்கை முறை, சுய முன்னேற்ற கருவி, உடல் மற்றும் மனநலம் பேணும் ஒரு அறிவியல் சார்ந்த கலை, ஆன்மிக சாதனம் இப்படிப் பலராலும் பலவிதமாக கருதப்படுகிற்து. மன அமையின்மை, மன அழுத்தம், அலைச்சல், வேலைப் பளு, மாசடைந்த உணவு, சுற்றுப்புற சூழல், ஊடகங்களின் தாக்கங்கள் ஆகிய போன்ற சமுதாய சவால்களை எதிர்த்துப் போராடுவதற்கு யோகா ஒரு நல்ல ஆயுதம் என்கின்றனர்.

நம்மில் பலரும் யோகா என்றாலே, தசைகளின் இறுக்கத்தைக் குறைத்து வலுவினை ஊட்டும் ஒரு சாதாரணமான உடற்பயிற்சி என்றுதான் நினைக்கிறோம். ஆனால் அது உடற்பயிற்சிக‌ளுக்கெல்லாம் மேலான தத்துவங்களை மையமாகக் கொண்டுள்ளது.

சுமார் கி.மு. 150 வருடங்களில் உருவான பதஞ்சலி யோகசூத்திரத்தின் படி யோகாவில் யமம். நியமம், ஆசனம், பிராணயமம், பிரத்யாகரம், தாரணை, தியானம் ம‌ற்றும் சமாதி என ஆக‌ மொத்தம் எட்டுவகையான வழிமுறைகள் உண்டு. ஆனால் பிந்நாட்களில் 15 ம் நூற்றாண்டில் ஆசனம் (குறிப்பிட்ட நிலையில் அமர்ந்திருக்கும் உடற்பயிற்சி), பிராணயமம் (சுவாசத்தை உள்ளே வெளியே இழுக்கும் மூச்சுப் பயிற்சி) என்ற இரண்டு அம்சங்களை மட்டும் உள்ளடக்கிய கதா யோகா உருவெடுத்து மற்ற மதத்தினருடன் எதிர்நோக்கும் தத்துவ தர்க்கங்களை சற்றே சாமர்த்தியமாக தவிர்த்து இன்று உலகமுழுவதிலும் பிரபலமாகி வருகிற‌து.

யோகாவின் தத்துவப் பின்னணி:

யோகா வெளிப்படையாகவே கிறிஸ்தவ தத்துவங்களுக்கு எதிரானது. மனிதனை கடவுளோடு இணைக்க முற்படும் முயற்சியே யோகா என்றறிந்தோம். கடவுளைக் குறித்த கருத்தில் இரண்டிற்கும் பெருத்த வேறுபாடு உள்ளது.

முப்பத்து முக்கோடி தெய்வங்களைக் கொண்ட இந்து மதக் கருத்தின் படி காண்ப‌தெல்லாம் கடவுள் தான். இறைவன் ஒரு ஆள்த்தத்துவத்தோடு இல்லாமல் ஒரு ஆன்மீக பொருளாக அண்ட சராசரத்திலுள்ள எல்லாவற்றிலும் வியாபித்துள்ளார் என அது கூறுகிறது. ஆனால் கிறிஸ்தவமோ, இறைவன் என்பவர் மனிதன் உட்பட அண்ட சராசரங்கள் அனைத்தையும் தனது வார்த்தையினால் படைத்த ஆள்த்தத்துவமுள்ள ஒருவரே என தெளிவாய் கூறுகிறது.

ம‌னிதனைக் குறித்த கருத்திலும் இரண்டிற்குமிடையே வேறுபாடு உள்ளது. காண்ப‌தெல்லாம் கடவுள் என்பதால், உடல் ஆசன மற்றும் மூச்சுப் பயிற்சிகள் மூலமாக மனிதனும் இறை நிலையை அடைகிறான் என்பது யோகாவின் கருத்து. இது "நீங்கள் நன்மை தீமை அறிந்து தேவர்களைப்போல் இருப்பீர்கள்" (ஆதி.3:4) என்று சாத்தான் ஏவாளை வஞ்சித்தது போல் அல்லவா உள்ளது. பரிசுத்த வேதாகமமோ மனிதன் இறைவனால் தனது சொந்த சாயலில் படைக்கப்பட்ட ஒரு படைப்பு; படைப்பும் படைத்தவரும் ஒன்றாகிவிட முடியாது என கூறுகிறது.

மனிதனின் அடிப்படை பிரச்சினையும் அதற்கான தீர்வும் குறித்த விஷயத்தில் மனிதன் தனது இறைநிலையை உணராமல் இருப்பது தான் அவன‌து அனைத்துவகையான பிரச்சினைகளுக்கும் காரணம் என்பதும் அத‌னை அவன் த‌னது முய‌ற்சியினால் அடைந்து விட‌லாம் என்பதும் யோகாவின் க‌ருத்து. ப‌ரிசுத்த‌ வேதாக‌ம‌த்தின் படியோ ம‌னித‌னின் பாவ‌நிலைமையே அவன‌து பிரச்சினைகளுக்கெல்லாம் காரணம்; இயேசுகிறிஸ்துவின் இரத்தமே சகல பாவங்களையும் நீக்கி, அவ‌னை சுத்திகரிக்கும். இது கிருபையாய் தேவ‌னால் அருள‌ப்ப‌டும் அன்ப‌ளிப்பு; அது முய‌ற்சியினால் ச‌ம்பாதிக்க‌ இய‌லாத‌ ஒன்று.யோகா உண்மை தெய்வத்திற்குப் பதிலாக ஒருவன் தன்னையே மையப்படுத்திக் கொள்ள‌ போதிக்கிற‌து. வாழ்வின் இக்கட்டான வினாக்களுக்கு தீர்வை வேதாகமத்தில் தேடுவதைத் தடுத்து அவன் தனது மனசாட்சியையே நாடும் படி ஊக்குவிக்கிற‌து.

அதிலென்ன தவறு?

அதெல்லாம் சரி, எப்படியாயினும் யோகா ஒருவிதத்தில் நன்மையைத் தானே தருகிறது. பின்னர் அதிலென்ன தவறு; பின்னணியிலுள்ள தத்துவத்தை மட்டும் தவிர்த்து விட்டு வெறும் யோகாசன நிலையையும் உடற்பயிற்சியையும் மட்டும் எடுத்துக் கொள்வதில் தவறு இல்லையே என சிலர் கூறுவது எனது காதினுள் தொனிக்கிறது. அது சரியாக இருக்க வாய்ப்பில்லை.

அனைத்து வகையான யோகாவுமே ஆன்மீகப் பயிற்சிகளே. ஒவ்வொரு யோகாசன நிலையும் இந்து தெய்வங்களை வழிபடுவதாகும். உடல் ஆசன மற்றும் பயிற்சிகளை அவ்ற்றின் ஆன்மீக ஈடுபாடுகளிலிருந்து பிரித்துப் பார்க்க இயலாது. இதுகுறித்து, Hinduism Today என்ற பத்திரிக்கை (April -June 2003) த‌ன‌து க‌ருத்தாக‌ "க‌தா யோகாவை இந்து ம‌தத்திலிருந்து பிரித்துப் பார்ப்ப‌து ஒரு ஏமாற்று வேலையாகும். அநேக‌ யோகா ஆசிரிய‌ர்க‌ள் அத‌ன் வேர் இந்து மத‌த்தில் இருப்பதையும் அத‌ன் ஆன்மீக‌ நோக்கத்தையும் அறியாதிருக்கிறார்கள்" என்று கூறி த‌னது ஆத‌ங்கத்தை வெளிப்ப‌டுத்தியுள்ள‌து.

உண்மை தெய்வத்தின் அருளால் வியாதிகள் அகலும் போது, தீய சக்திகளின் வல்லமையினாலும் வியாதிகள் விலகும் என்பதை ஏற்றுக் கொண்டு தான் ஆகவேண்டும். அது ஆச்சரியமல்ல; ஏனெனில், சாத்தானும் ஒளியின் தூதனுடைய வேஷத்தைத் தரித்துக்கொள்வானே (2 கொரி. 11:14). எனவே வியாதியை நீக்குவதால் ஒருவர் தெய்வமாகி விட முடியாது. ஆனால், நம்முடைய தேவனோ உண்மை தெய்வமாக இருப்பதினால் தான் அவரால் சரீர சுகத்தை மட்டுமல்ல, ஆவி ஆத்துமா சரீரம் முழுவதுமான ஒரு பூரண தெய்வீக சுகத்தை அருளுகிறார். எனவே நீங்கள் எல்லா ஆவிகளையும் நம்பாமல், அந்த ஆவிகள் தேவனாலுண்டானவைகளோ என்று சோதித்தறியுங்கள் (1 யோவான் 4:1).

அது எப்படி அந்த வேலையைச் செய்கிறது என்பது மிகவும் முக்கியம். வேதாகமத்திற்கு முரண்பாடான‌ மந்திர சக்தியினால் அது நடை பெறுகிற‌தா? அப்படியெனில் அது இறுதியில் விடுதலையை அல்ல அடிமைத்தனத்தையே கொண்டு வரும். எனவே எதையும் ஏற்றுக் கொள்ளுமுன் எல்லவற்றையும் சோதிக்கும் மனப்பக்குவம் வேண்டும். அப்போது தான் நலமானதை பிடித்துக் கொள்ளமுடியும். யோகா போன்ற மாற்று மருத்துவ முறைகளில் எது நல்லது எது பொல்லாதது என தெளிவாக எளிதில் வறையறுக்க இயலாத நிலையில் ... "பொல்லாங்காய்த் 'தோன்றுகிற' எல்லாவற்றையும் விட்டு விலகுங்கள்" என்ற‌ தார‌க‌ மந்திர‌த்தை க‌டைபிடிக்க‌ வேண்டும். விசுவாசத்தினால் வராத யாவும் பாவமே (ரோமர் 14:23). எனவே சந்தேகத்திற்கிடமான செயல்களில் விலகியிருப்பது தான் நல்லது.

கிறிஸ்த‌வ‌ யோகா?

சமீப காலங்களில் உடல் மற்றும் மூச்சுப் பயிற்சியையும் வேதாகம தியானத்தையும் இணைத்து கிறிஸ்தவ யோகா என்று புதிதாக ஒன்று முளைத்திருக்கிறது. கிறிஸ்தவ யோகா என்பது அடிப்படையிலேயே ஒரு வார்த்தை முரண்பாடு. ஒருவனை கிறிஸ்தவ இந்து, இல்லையென்றால் இந்துக் கிறிஸ்தவன் என்று நம்மால் வர்ணிக்க இயலுமா? ஒரே ஊற்றுக்கண்ணிலிருந்து தித்திப்பும் கசப்புமான தண்ணீர் சுரக்குமா? (யாக்கோபு 3:11). நல்ல மரம் கெட்ட கனிகளைக் கொடுக்கமாட்டாது; கெட்ட மரம் நல்ல கனிகளைக் கொடுக்கமாட்டாது என்று பரிசுத்த வேதம் தெளிவாய் போதிக்கிறது.(மத். 7:18). எனவே யோகா என்ற மரத்தின் வேர் ஆதாரத்தை எண்ணிப் பார்க்க வேன்டியது மிகவும் அவசியம்.

சுவிசேசத்தை பிரசங்கியுங்கள்... வியாதியுள்ளவர்களை சொஸ்தமாக்குங்கள்... இதுவே பன்னிரு சீடர்களுக்கு கொடுக்கப்பட்ட கட்டளையின் வரிசை(மத். 10:7,8). ச‌ரீர நலனில் காட்டும் அக்கறையைக் காட்டிலும் ஆன்மீக‌ ந‌ல‌னே மிக‌வும் முக்கிய‌ம். ஏனெனில், ச‌ரீர முயற்சி அற்ப பிரயோஜனமுள்ளது; தேவபக்தியானது இந்த ஜீவனுக்கும் இதற்குப் பின்வரும் ஜீவனுக்கும் வாக்குத்தத்தமுள்ளதாகையால் எல்லாவற்றிலும் பிரயோஜனமுள்ளது (1 தீமோ 4:8).

வேத‌ம் நமது தியான‌மாக‌ட்டும்; ஜெபம் நமது பயிற்சியாகட்டும்:

வேதாக‌ம‌த்தின் ப‌டி தியான‌ம் என்ப‌து பரிசுத்த வேதத்தில் வெளிப்ப‌டுத்தப்ப‌ட்டுள்ள‌ ச‌த்திய‌ங்க‌ள் எந்த‌ அள‌விற்கு நமக்கு ச‌ம்பந்த‌ப்ப‌ட்ட‌வை என‌ சிந்த‌னை செய்து அவற்றை நமதாக்கிக் கொள்லுத‌லைக் குறிக்கிற‌து. தாவீதின் தியான‌ங்க‌ள் ச‌ங். 119 முழுவதிலும் தெளிவாய் திரும்ப‌த் திரும்ப‌ வெளிப்ப‌டுகின்ற‌ன. வேத வாக்கியங்களெல்லாம் தேவஆவியினால் அருளப்பட்டிருக்கிற ப‌டியால் (2 தீமோ. 3:16) அவையாவும் நிச்சயமாக நாம் தியானிக்க‌த் த‌குந்த‌வையே.

வேத‌த்தின் மூல‌ம் தேவ‌ன் ந‌ம்மோடு பேசுகிறார்; ஜெப‌த்தின் மூல‌மாக‌ நாம் அவ‌ரோடு உற‌வாடுகிறோம். இக்கட்டான சூழ்நிலைகளில் கூட‌ தானியேல், தன் மேலறையிலே தினம் மூன்று வேளையும் தன் தேவனுக்கு முன்பாக முழங்காற்படியிட்டு ஜெபம்பண்ணி, ஸ்தோத்திரம் செலுத்தினான் என்பதை அறிவோம். நமது பிரச்சினைகளை இறைவனிடம் எடுத்துக் கூறி உரிய தீர்வைப் பெற்றுக் கொள்ள ஜெபமே சிறந்த‌ பயிற்சியாகும்.

"போஜனம் என் சகோதரனுக்கு இடறலுண்டாக்கினால், நான் என் சகோதரனுக்கு இடறலுண்டாக்காதபடிக்கு, என்றைக்கும் மாம்சம் புசியாதிருப்பேன்" என்று தீர்மனித்த பவுலைப் போன்று நாமும் தெளிவுள்ளவர்களாய் மற்ற சக விசுவாசிகளுக்கு எந்த விதத்திலும் இடறலாயிராமல் முன்மாதிரியாக வாழ்ந்து காட்டுவோம்; வழி நடத்துவோம்.

அப்படியிருக்க, சகோதரரே, நீங்கள் உங்கள் சரீரங்களைப் பரிசுத்தமும் தேவனுக்குப் பிரியமுமான ஜீவபலியாக ஒப்புக்கொடுக்கவேண்டுமென்று, அவருடைய இரக்கங்களை முன்னிட்டு உங்களை வேண்டிக்கொள்ளுகிறேன்; இதுவே நீங்கள் செய்யத்தக்க புத்தியுள்ள ஆராதனை (ரோமர். 12:1).

[ இது "உன்னத சிறகுகள்" என்னும் (அக்டோபர்- டிசம்பர் 2007) காலாண்டிதழில்
வெளியாகியுள்ள எனது கட்டுரை. ]

முழு பெலத்தோடு அன்புகூறுதல்

2007-10-16T19:40:00.001+05:30

"உன் தேவனாகிய கர்த்தரிடத்தில் உன் முழு இருதயத்தோடும், உன் முழுஆத்துமாவோடும், உன் முழு மனதோடும், உன் முழுப் பெலத்தோடும் அன்புகூருவாயாக என்பதே பிரதான கற்பனை." மாற்கு 12:31

முழு பெலத்தோடு அன்பு கூறுதல் என்றால் என்ன என்பது எனக்கு வெகு நாளாகவே யோசனையாக இருந்து கொண்டிருந்தது. 7 வருங்களுக்கு முன் எனது வாழ்க்கையில் எற்பட்ட அனுபவத்தின் மூலம் ஒரு நாள் தேவன் இதனை உணர்த்தினார். அதனை இங்கே பதிவு செய்கிறேன்.

கல்லூரி நாட்களில் நான் இந்திய நற்செய்தி மாணவர் மன்றம் என்ற இயக்கத்தில் இணைந்து தீவிரமாக செயல்பட்டு வந்தேன். நகர அளவில் செயல்படும் அனைத்துக் கல்லூரி நற்செய்தி மாணவர் மன்றத்தில் முக்கியப் பொறுப்பில் இருந்ததால், நான் ஒரு குறிப்பிட்ட ஞாயிற்றுக் கிழமை மாநில அளவில் நடைபெற்ற REVIEW MEETல் கலந்து கொள்ள வேண்டியிருந்தது.

நான் அந்நாட்களில் பயிற்சி மருத்துவராக தஞ்சை மருத்துவக் கல்லூரியில் பிரசவ அறையில் ( labour Room ) 12 மணிநேர Duty ல் (இரவு 7 மணி முதல் காலை 7 மணி வரை) இருந்தேன். ஒரு நிமிடம் கூட தூங்குவதற்கு வாய்ப்பே கிடையாது. அவ்வளவு பிஸியாக இருந்தது. என‌வே Duty முடித்த‌ பின்ன‌ர் ஆயத்த‌ம் செய்து விட்டு நேர‌டியாக‌ திருச்சியிலுள்ள‌ மாநில‌ அலுவ‌ல‌க‌த்திற்கு வந்து சேர்ந்தேன். அன்றைய‌ ப‌ணிக‌ளை மாலை வரை முடித்து விட்டு நேர‌டியாக‌ திரும்ப‌வும் பிர‌ச‌வ‌ அறையில் என‌து ப‌ணியினைத் தொடர்ந்தேன்.

ப‌ஸ்ஸில் ப‌ய‌ண‌ம் செய்த‌ நேரம் தான் நான் தூங்கின‌ நேர‌ம். ஞாயிற்றுக்கிழ‌மை அலுவ‌லின் ஆய‌த்த வேலைகளில் ஈடுபட்டு முந்தின‌ ப‌க‌லும் தூங்க‌வில்லை. என‌வே ஞாயிறு ந‌ள்ளிர‌விற்குப் பின் என்னால் தாக்குப்பிடிக்க‌ முடிய‌வில்லை.

அத்த‌னை நாளும் பொறுப்பாக‌ ப‌ணியினைச் செய்து அன்று ம‌ட்டும் வ‌ழ‌க்க‌த்திற்கு மாறாக‌ ப‌ணியினை ச‌ரிவ‌ர‌ செய்யாத‌தை‌ க‌வ‌னித்த‌ முதுநிலை பெண்ம‌ருத்துவ‌ர் என்னிட‌ம் கார‌ண‌த்தை வின‌வினார். நானும் உண்மையைச் சொல்லிவிட்டேன். அப்போது அவ‌ர்க‌ள் சொன்னார்க‌ள்: "ந‌ன்றாக‌ ரெஸ்ட் எடுத்து விட்டு திரும்ப‌வும் க‌டைமையைச் செய்வ‌த‌ற்குத் தானே 12 ம‌ணிநேர‌ இடைவேளை கொடுக்க‌ப்பட்டிருக்கிற‌து. நீ இப்ப‌டி செய்தால் எப்ப‌டி?". க‌டமைக்கு முக்கிய‌த்துவ‌ம் கொடுக்க‌ வேண்டும், அத‌ற்குப் பின் நேர‌ம் கிடைத்தால் தான் பொழுது போக்குக் காரிய‌ங்க‌ளுக்கெல்லாம் நேர‌ம் கொடுக்க‌ வேண்டும் என்று தொடர்ந்தது அவ‌ர்க‌ளின் வாத‌ம். அவ‌ர்க‌ள் கிறிஸ்த‌வ‌ர‌ல்லாத‌வரான‌ ப‌டியால் நான் அவ‌ர்க‌ளிட‌ம் நியாய‌ப்படுத்த‌வும் இல்லை; வாக்குவாத‌ம் செய்ய‌வும் இல்லை.

முழு பெலத்தோடு அன்பு கூறுதல் என்றால் என்ன என்று ச‌மீப‌த்தில் சிந்த‌னை செய்து கொண்டிருந்த‌ போது தேவன் இப்ப‌டியாக‌ உணர்த்தினார்:

திங்க‌ட்கிழ‌மை ஒரு அவ‌சிய‌மான‌ வேலை இருப்பின், ஞாயிற்றுக்கிழ‌மை இர‌வு கொஞ்ச‌ம் சீக்கிர‌மாக‌வே ப‌டுக்கைக்குச் செல்கிறோம்; அப்போது தான் ம‌ன‌து தெளிவாக‌ இருந்து காரிய‌த்தை ந‌ல்ல‌ முறையில் செய்யமுடியும் என‌ நினைத்து நாம் அப்ப‌டி ந‌ம்மை ஆய‌த்த‌ப்ப‌டுத்திக் கொள்கிறோம்....... ஆனால், அதே வித‌மாக‌ ஞாயிற்ருக்கிழ‌மை ஆராத‌னை, ஊழிய‌ காரிய‌ங்க‌ளுக்காக‌ ச‌னிக்கிழ‌மை இர‌வு கொஞ்ச‌ம் சீக்கிர‌மாக‌வே ப‌டுக்கைக்குச் செல்கிறோமா? இல்லையே... முடிக்க வேண்டிய‌ வேண்டிய‌ எல்லா வேலைக‌ளையும் முடித்து விட்டு‌ பின்ன‌ர‌வில் ப‌டுக்கைகுச் சென்று, ஞாயிற்றுக்கிழ‌மை தாம‌த‌மாக‌ எழும்பி ஒன்று ச‌பை ஆராத‌னைக்கு முழுக்கு போட்டு விடுகிறோம் அல்ல‌து தாமத‌மாக‌ ஆராத‌னைக்குச் சென்று அதிலும் தூங்கி வ‌ழிகிறோம். இப்போது சொல்லுங்க‌ள் எங்கே ந‌ம‌து PRIORITY (முன்தெரிவு) என்று?

இதுபோன்றே தான் ந‌ம‌து வேத‌ வாசிப்பு, ஜெப‌ம், விசுவாசிக‌ளோடு ஐக்கிய‌ம் இவைக‌ளையெல்லெம் க‌ளைத்துப் போன‌பின் க‌ட‌மைக்காக‌ செய்வோமா‌னால், ந‌ம்மை நாமே ஆராய்ந்து பார்ப்போம்.

" நான் என் தேவனாகிய கர்த்தரிடத்தில் என் முழு இருதயத்தோடும், என் முழுஆத்துமாவோடும், என் முழு மனதோடும், என் முழுப் பெலத்தோடும் அன்பு கூறுகிறேனா?"

...

எவ்வளவு நேரம் ஜெபிப்பது?

2007-10-08T00:00:00.001+05:30

தமிழ்க் கிறிஸ்தவர்களின் தளத்தில் ஒரு நண்பர் இப்படியாக ஒரு கேள்வியைக் கேட்டிருந்தார்.

"5 நிமிட மட்டும் ஜெபம் செய்தல் சரியா தவறா ?"

நான் கீழ்க்கண்டவாறு எனது பதிலைப் பதித்தேன்.

"5 நிமிட மட்டும் ஜெபம் செய்தல் சரியா தவறா ?"

எனது பதில் சரி தான் என்பதே. காரணத்தைக் கூறுகிறேன், கவனமாக சிந்தியுங்கள்.

இடைவிடாமல் ஜெபிக்கணும்; சோர்ந்து போகாமல் ஜெபிக்கணும்; அதிகாலை, இருட்டோடே, என பல விளக்கங்களை பல காலமாக கேட்டுவரும் நமது நிலைமை எப்படி உள்ளது? நேர்மையாக நம்மை பரிசோதனை செய்து பார்ப்போம்... ந‌ம்மில் ப‌ல‌ருக்கு சந்தேகம் தான் என்ப‌து என‌து க‌ணிப்பு.

வேறு வேலைகள் இல்லையா? இன்று ப‌ல‌ ம‌ணித்துளிக‌ள் நான் ஊழிய‌ காரிய‌ங்க‌ளில் தானே செல‌வு செய்திருக்கிறேன்; என‌வெ இப்பொது ஜெப‌ம் செய்ய‌ விட்டாலும் தேவ‌ன் த‌ப்பாக‌ எடுத்துக் கொள்ள‌மாட்டார் என ந‌ம‌க்குள்ளே சுய‌திருப்தி என‌ சில‌ ப‌ல‌ கார‌ண‌ங்க‌ளினால் ந‌ம்மில் ப‌ல‌ர் அதிக‌மான‌ நேர‌ம் ஜெபிப்ப‌தில்லை.

வேதாக‌ம‌த்தில் எங்குமே ஜெப‌த்தை குறித்த உன்ன‌த‌மான‌ உய‌ர்ந்த ப‌ட்ச‌ அள‌வீடுக‌ள் தான் குறிப்பிட‌ப்ப‌ட்டுள்ள‌ன‌. குறைந்த‌ப‌ட்ச‌ வ‌ரைய‌றை என்று எதுவுமே சொல்ல‌ப்படுவ‌தில்லை. இதிலிருந்து விள‌ங்கிக்கொள்வ‌து என்ன‌வென்றால் ஜெப‌த்தில் எப்போதுமே உய‌ர்ந்த‌ ஒரு நிலைமையை நாட வேண்டும்.

என்ன‌, பேதுரு சேம் சைடு கோல் அடிப்ப‌து போல் உள்ள‌தே என‌ சில‌ர் கூறுவ‌து என் காதில் விழுகிற‌து. என‌து க‌ருத்தை க‌வ‌ன‌மாக‌ க‌வ‌னியுங்க‌.

"எப்ப‌டி வேண்டுமானாலும் ஜெபிக்க‌லாம்; எங்கு வேண்டுமானாலும் ஜெபிக்க‌லாம்; எப்பொழுது வேண்டுமானாலும் ஜெபிக்க‌லாம் என்ப‌தால், ந‌ம்மில் ப‌ல‌ர் எப்பொழுதுமே எங்குமே எப்ப‌டியுமே ஜெபிப்ப‌தில்லை" என்ற‌ வாக்கிய‌த்தை நீங்க‌ள் எங்கேயாவ‌து கேள்விப் ப்ட்டிருக்க‌க்கூடும்.

அதுபோல‌வே, இவ்வளவு நேரம் ஜெபிக்க வேண்டும் என்ற வறையறை எதுவும் இல்லமல், எவ்வ‌ள‌வு நேர‌மானாலும் ஜெபிக்கலாம் என்பதால் நம்மில் பலர் கொஞ்ச நேரம் கூட ஜெபிப்பதில்லை.

குடும்ப ஜெபம், 3 வேளையும் சாப்பிடுமுன்ன‌ர், வீட்டை விட்டு வெளியே கிள‌ம்புமுன்ன‌ர், வீட்டிற்கு வ‌ந்த‌ பின்ன‌ர், முக்கியமான நேரங்களில், சிக்க‌லான‌ சூழ்நிலையில் என‌ நாம் ஒவ்வொரு நாளும் ஜெபித்தாலே குறைந்த பட்சம் போதுமான‌து. Something is better than Nothing!

என‌வே 5 நிமிட‌ம் ம‌ட்டும் ஜெபிப்ப‌து என்ப‌தில் எந்த‌ த‌வ‌றும் இல்லை என‌ப‌து எனது வாத‌ம். ம‌ற்ற‌வ‌ர்க‌ளுக்கு வ‌ழிவிடுகிறேன்.

இது போன்று மற்ற கிறிஸ்தவ சகோதரர்களின் கருத்தினை அறிய இங்கு செல்லவும்: http://www.tamilchristians.com/modules.php?name=Forums&file=viewtopic&p=4624#4624

யோகா - ஒரு கிறிஸ்தவ மருத்துவரின் கண்ணோட்டம்

2007-09-10T00:02:00.000+05:30

யோகா:

இருபதுக்கும் மேற்பட்ட மாற்று மருத்துவ முறைகளில் (Alternate Medicine) யோகாவும் ஒன்று.

====தொடர்ச்சி விரைவில்....=====

ஆபிரகாமும் லோத்துவும்

2007-07-20T02:04:00.002+05:30

எனதருமை இருபால் தள நண்பர்களே..... வணக்கம்.

நீங்க மேலே பார்க்கிற படம், இன்று சில சூழ்நிலைகளினால் சற்றே கிடைத்த ஓய்வு நேரத்தில், நான் எனது கிறிஸ்தவரல்லாத நண்பருடன் அவரது தோப்பில் உரையாடி ஓய்வெடுக்கும் போது, ஒரு குறிப்பிட்ட தத்துவத்தை இந்த‌ காட்சியின் மூலம் அவர் எனக்கு சுட்டிக் காட்ட, உங்களுக்கெனெ அதை அப்படியே 'கிளிக்' செய்து, நமது தளத்தில் ஏற்றியுள்ளேன்.

இது என்ன வழக்கமாக பார்க்கிற ஒரு சீன் தானே.. இதில் என்ன விசேஷம் என நினைக்கிறீர்களா... உங்கள் நினைப்பில் தவறே இல்லை....

ஆனால், சற்று நேரம் இந்த படத்தை ஆராய்ச்சி செய்து, நீங்க கண்டுபிடிக்கும் ஆவிக்குரிய கருத்துக்களை பதிவு செய்யுங்க...

ந‌ல்ல‌ க‌ருத்துக‌ளுக்கு த‌க்க‌ சன்மான‌ம் ம‌றுமையில் ஆண்ட‌வ‌ரின் கையால் கொடுக்க‌ப்ப‌டும். முயலுங்களேன்.....

THE 80 / 20 MAGIC

2007-05-29T15:12:00.000+05:30

INDIA YOUTH FOR CHRIST ன் இரு மாதங்களுக்கொருமுறை வெளிவரும் YOUTH TOUCH Magazine, May-June 2007 இதழில் வெளியான கீழ்க்கண்ட குறிப்பு எனக்கு ஆச்சரியமூட்டுவதாகவும் சிந்திக்க வைப்பதாகவும் இருந்தது.

"Well known Economist Pareto discerned 13 principal ternds in our wide range of activities, which is now hailed as Pareto Principle. We are re-printing these findings of his, which makes interesting reading.

1) 80 percent of results come from 20 percent of efforts.

2) 80 percent of activity will require 20 percent resources

3) 80 percent of usages is by 20 percent resources

4) 80 percent of the difficulty in achieving something lies in 20 percent of the challenge

5) 80 percent of revenue come from 20 percent of customers

6) 80 percent of problems comes from 20 percent of causes

7) 80 percent of profit comes from 20 percent of product range

8) 80 percent of complaints come from 20 percent of customers

9) 80 percent of sales come from 20 percent sales people

10) 80 percent of corporate pollution comes from 20 percent of corporations

11) 80 percent of work absence is due to 20 percent of staff

12) 80 percent of road traffic accidents are caused by 20 percent of drivers

13) 80 percent of restaurant's turn over comes from 20 percent of its menu"

YOUTH TOUCH EDITORS TAKE THE LIBERTY OF ADDING ANOTHER OBSERVATION:

14) 80 percent of Missionary work in india is done by only 20 percent of Christians (or even less !)

நானும் சந்தடிச் சாக்கில் நான் கண்ட உண்மையை இந்தப் பட்டியலில் சேர்த்திட துணிந்தேன்:

15) 80 percent of the Indian population which lives in villages are served only by 20 percent of the Doctors.

Interstingly, the above fact which I learned from my Community Medicine subject in my UG made me think much about considering the Mission work and later helped me to choose MD (Community Medicine) as my speciality.

Dr. D. Pethuru.

Search the Bible

2007-05-03T00:12:00.000+05:30

cellspacing="0" cellpadding="1">

action="http://hindibible.org/biblesearch.pl">

width="119" height="37" border="0" usemap="#searchbibleMap">	height="37" border="0">
(eg. John 3:16-20) size="8" class="testbox" > width="24" height="16" border="0" vspace="5" name="image">	height="79" border="0">

நவீன ஊழியர்கள்

2007-04-27T23:18:00.001+05:30

பத்திலொன்று (தசம) பாகம் தரும்
பத்து பேரைச் சேர்த்து விட்டால்,

சம்பளம் பெறுவோர் பதினொன்று
சமயோகித புத்தியல்லோ இன்று.

சிந்திப்பீர் - செயல்படுவீர்!

கர்த்தர் என் மேய்ப்பர்

2007-04-13T01:45:00.001+05:30

சங்கீதம் 23 ல் ஒரு பிரசங்கக் குறிப்பு:

Verse 1:

கர்த்தர் என் மேய்ப்பராய் இருக்கிறார், நான் தாழ்ச்சியடையேன்.

- யார் உனது மேய்ப்பர்?

கர்த்தர் என் மேய்ப்பராய் இருக்கிறார், நான் தாழ்ச்சியடையேன்.

- வாழ்வில் நீ தாழ்ச்சியடையாதிருக்க கர்த்தர் உன் மேய்ப்பராய் இருக்கிறாரா?

கர்த்தர் என் மேய்ப்பராய் இருக்கிறார், நான் தாழ்ச்சியடையேன்.

- கர்த்தர் உனக்கு யாராய் இருக்கிறார்?

மூன்று வித ஆசீர்வாதங்கள்:

1. சரீரப்பிரகாரமான ஆசீர்வாதம் (V2)
ஆன்மீக ஆசீர்வாதம் (V3)

2. உட்புறமான ஆசீர்வாதம் (V4)
வெளிப்புறமான ஆசீர்வாதம் (V5)

3. இம்மைக்குரிய ஆசீர்வாதம் (V6a)
மறுமைக்குரிய ஆசீர்வாதம் (V6b)

முதல் வசன நிபந்தனையுடன், அனைத்து வகையான ஆசீர்வாதங்களையும் பெற்று மகிழ வாழ்த்துக்கள்....

D. பேதுரு.

Discount Festival

2007-04-12T00:23:00.001+05:30

Yesterday evening I was travelling to one of our periphereal clinics to which I was going after long 5 months gap. On the way in the roadside, I came across the advertisement named: Discount Festival ( தள்ளுபடித் திருவிழா).

Usually in the Discounts / Offers/ Bonuses, the commodity which is being promoted is not an unfamiliar/ unwanted/ unwelcomed one. Hence only when the discounts are being offered, the commodity is much more been attracted/ welcomed by many people than the usual time.

This reminded me of the verses in 2 Peter 1:5-7. To be fruitful in our christian life, we need to add to our Faith, Goodness + Knowledge + Self control + Perseverence + Godliness + Brotherly kindness + Love. If we possess these qualities in increasing manner, they will keep us from being ineffective and unproductive in our knowledge of our Lord Jesus Christ.

In the Discount sales, the level of discount margins will vary from time to time depending on the various circumstances. Only in the out of season time, the maximum level of discount will be offered. During the season time the commodities may be sold with minimal discount offer or sometimes even without any discount.

In the same way even in this world, for the friutful Christian living, we need to add the bonuses to our christian faith one by one. As one offers the maximum discount to ensure the definite sale, we also need to add the maximum up to Love, the higher most lucrative bonus offer for the fruitful and victorious christian faith.

In 1 Chorinthians 13:13, it is interesting to note that, "Now these thing remain: faith, hope and love. But the greatest of these is love". Love, the bonus offer is the one which ensures that our christian faith is fruitful.

Are we ready to exercise love to promote our faith?

D. Pethuru

முரண்பாடு

2007-04-11T15:45:00.001+05:30

"பிரசவத்"திற்கு இலவசம் என
தம்பட்டம் அடிக்கும் ஆட்டோவே - நீ
காசு கொடுத்து பயணித்தவர் "சவம்" என்றதும்
நடு வழியில் இறக்கி விட்டு நீ ஓடுவதேன்?

அடுத்தவருக்கு சுவிஸேசம் அறிவிக்கு மட்டும்
அன்பு காட்டும் அன்பரே - நீர்
அவர்தம் பாடுகளில் மட்டும்
அவரை விட்டு விட்டு ஓடுவதேன்?

======இது சிந்திக்கும் காலம்====

Healing Ministry Sunday

2007-04-11T09:21:00.001+05:30

SHORT REPORT ABOUT THE HEALING MINISTRY SUNDAY

ON 11 th FEBRUARY, 2007

We had the privilege of conducting the Healing Ministry Week from 05-11.02.2007. The daily devotions were taken in the hospital chapel in the theme of “Healing the Broken and the Wounded” given by the Christian Medical Association of India.

We conducted the healing ministry Sunday in collaboration with the local C S I Ellis Memorial Church, Dharapuram on the final day, 11 th Feb, 2007. Rev. Rajamanickam, Asst. presbyter and Rev. D. Devasirvatham. the presbyter in charge lead the opening prayer in the first and the second service respectively and the rest of the order of service was lead by the Staff of C S I Dr Anne Booth Mission Hospital, C S I School Of Nursing and The Bishops College Of Nursing. The whole of the congregation attended these services.

The sermon on “Healing the Broken and the Wounded” was given by our Medical Officer Dr. D. Pethuru, MD (Comm. Med). He challenged the congregation to actively participate in the healing ministry of the Diocese. Special songs were given by the Hospital choir. A small gist of the infrastructures and facilities available in our hospital and few of the clippings were presented impressively on the screen as power point presentation by the Hospital Manager Mr. P. Jothi Prakasam.

It was told that the hospital is financially self sufficient from August 2006 till date and the staff were given spiritual training on regular basis to cater the spiritual need of the patients. The second offertory was taken in both the services for the expenses of Gospel work of the Hospital and the spiritual development of the staff.

Dr. D. Pethuru, M.B.B.S; M.D, (Comm. Med),
Medical Officer In-charge,
C.S.I. Dr. Anne Booth Mission Hospital,
Dharapuram – 638 656,
Erode District, Tamilnadu.

பெயரில் என்ன இருக்கிறது ?

2007-04-11T00:32:00.000+05:30

ஆம்..... பெயரில் என்னவோ..... இருக்கத்தான் செய்கிறது.

அது என்ன?

........ விரைவில் எதிர்பாருங்கள்.......

Who am I ?

2007-04-10T21:53:00.000+05:30

Wondering that what is happening?

I am basically a farmer.... Thats all !

முரண்பாடு

2007-04-10T21:31:00.000+05:30